HAMALIMON 27:28 - BIBEL JAMITA NA DENGGAN

²⁸ Sada pe nada tola manggadis sanga manobusi mulak sanga aha na dung dilehen tu Tuhan, sanga na jolma pe i, pahan-pahanan sanga tano. Tuhan do nampuna i ro di salolotna.

HAMALIMON 27:28 ပူးပေါင်းရင်းမြစ်များ

2 JUJUR TAON 31:14

Tu si Kore anak ni si Jimna, i ma sada halak Levi na gabe kapala ni pangawal di Pintu Horbangan Habincaran di Bagas Ni Debata, dipasahat ma tanggung jawab laho manjagit dohot mambagi-bagihon angka silehen-lehen na nihaulkon i tu Tuhan.

HARURUAR 22:20

Sanga ise na pasahat haul sanga tu debata dia pe i asing sian Au Tuhan, angkon mate niuhuman.

JEHESKIEL 44:29

Angkon mangolu sian gandum na dihaulkon do halahi, sian haul hasesaan ni dosa, dohot sian haul parsiding ni hararugi, jana sasude na dung diaturkon gabe hapunjunganKu, angkon lehenon do i tu halahi.

JEHESKIEL 48:14

Sanjongkal pe sian tano i nada tola gadison ni halahi sanga tukarkononna; tano na dumenggan sian tano Israel nada tola martukar i tu halak na asing, angke na dung ditontuhon do i gabe hapunjungan ni Tuhan jana gabe nampunaNia.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAMALIMON 27:21

Di Taon Haluaan na giot ro gabe ladang ni Tuhan noma i ro di salolotna, jana lehenon ma i tu malim.

HAMALIMON 27:27

Binatang na haram na adong parjolo tola ditobus mangihutkon arga na ditontuhon ditamba dua pulu porsen. Muda so ditobus, tola do gadison binatang i tu halak na leban mangihutkon arga na rasmi.

HAMALIMON 27:29

Haru jolma na nilehen nada tola ditobus, pasti do ia dibunu.

BILANGAN 18:14

Sude na adong di tano Israel, nada adong uba ni i na dung mardohonan i di Au, na di hamu do i.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

PANGARATAION 25:19

Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

JOSUA 6:26

Diparuar si Josua do di hatiha i larangan songon on, “Sanga ise na mancubo giot mambangun kota Jeriko on mangulahi, hona bura ni Tuhan do i. Sanga ise na mamayakkon ojahanna gabe agoan anak siangkaan; jana sanga ise na mamasang angka pintu ni horbanganna i gabe agoan anak sianggianna.”

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.

HAKIM-HAKIM 21:11

laho mamunu sandok jolma na di Jabes, dohot dadaboru bope dakdanak jana songon i muse dohot dadaboru na so bujing-bujing be.

HAKIM-HAKIM 21:18

Tapi bia dope baenon; nada tarbaen hita be mangisinkon angka borunta marbagas dohot halahi, harana madung tasumpahon do ganop be sian tonga-tonganta na so tola mangisinkon boruna marbagas dohot halak Benyamin!”

HAKIM-HAKIM 21:5

Dung i disihiri halahi ma di tonga-tonga ni angka marga ni Israel betak adong na so kehe marlagut mangadop tu Tuhan di Mispa na salpu i. (Madung marsumpa halahi di hatiha i, sanga ise na so manggohi pio-pio na tu Mispa angkon mate niuhuman.)

1 SAMUEL 15:18

boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”