HAMALIMON 27:27 - BIBEL JAMITA NA DENGGAN

²⁷ Binatang na haram na adong parjolo tola ditobus mangihutkon arga na ditontuhon ditamba dua pulu porsen. Muda so ditobus, tola do gadison binatang i tu halak na leban mangihutkon arga na rasmi.

HAMALIMON 27:27 ပူးပေါင်းရင်းမြစ်များ

HAMALIMON 27:11

Tapi muda binatang na haram do nietnia i, na so tarjagit gabe silehenon tu Tuhan, angkon obanon ni halak na marniet i do pahan-pahanan i tu jolo ni malim.

HAMALIMON 27:13

Muda giot tobusonnia mangulahi binatang i, gararonnia ma saargana i ditamba dua pulu porsen.

HAMALIMON 27:15

Muda giot tobuson ni na pasahat bagas i mangulahi bagas i angkon gararonnia ma argana ditamba dua pulu porsen.

HAMALIMON 27:26

Pahan-pahanan na adong parjolo Tuhan do nampuna i. Jadi sahalak pe nada tola mangalehen i tu Tuhan gabe haul jop ni roha. Anak ni lombu, anak ni biri-biri sanga anak ni hambeng na adong parjolo Tuhan do nampuna i.

HAMALIMON 27:28

Sada pe nada tola manggadis sanga manobusi mulak sanga aha na dung dilehen tu Tuhan, sanga na jolma pe i, pahan-pahanan sanga tano. Tuhan do nampuna i ro di salolotna.

HAMALIMON 27:31

Muda giot tobusan ni sasahalak mangulahi sabagian, angkon gararonnia argana i ditamba dua pulu porsen.

HAMALIMON 5:16

Angkon gararon ni halahi ma halalapannia i, ditamba dope duapulu porsenna i. Pasahatonnia ma pahan-pahanan i tu malim, dung i sombahonon ni malim i ma gabe haul hara ni dosa ni halahi, gabe sesaon ni Tuhan ma dosana.