HAMALIMON 26:9 - BIBEL JAMITA NA DENGGAN

⁹ Hupasupasu pe hamu jana Hulehen bahat pomparanmunu. Sude na dung Hujanjihon tu hamu, angkon patulusonKu.

HAMALIMON 26:9 ပူးပေါင်းရင်းမြစ်များ

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

PAMUNGKAAN 17:20

Madung Hubege pangidoanmi taringot tu si Ismael, jadi hara ni i pasupasuonKu do ia jana lehenonKu pomparan na bahat tusia. Gabe ompu ni dua bolas raja ma ia, jana baenonKu ma pomparannia gabe sada bangso na godang.

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 48:4

Didok Debata tu au, ‘LehenonKu ma di ho bahat pomparanmu anso gabe bangso na bahat pomparanmi; lehenonKu ma di pomparanmu luat on gabe tano ni halahi ro di salolot-lolotna.’ ”

PAMUNGKAAN 6:18

tapi baenonKu ma padan dohot ho. Masuk ma ho tu kapal i dohot dadaborumi bope angka dakdanakmu rap dohot dadaboru ni halahi be.

1 RAJA-RAJA 3:8

Maringanan di tonga-tonga ni bangso na dung dipili Ho gabe bangsoMu do au. Sada bangso na godang situtu na so taretong bahatna.

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

MASMUR 89:3

Ningmu do, “Madung Hupudun janji dohot halak na Hupili, madung marsumpa Au tu si Daud, naposongKi:

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

JEREMIA 23:4

AngkatonKu ma pamimpin na manyarihon halahi. Nada mabiar be bangsongKi sanga tarsonggot; sahalak pe nada tola mago sian halahi. Au Tuhan, madung mandok songon i.”

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

JEHESKIEL 16:62

BaenonKu ma parjanjian na imbaru dohot ho. Jadi gabe botoonmu ma bahaso Au do Tuhan.

JEHESKIEL 36:9

Au ma jongjong di pihakmu ale Israel, jana Hupastihon mulak pangkuran mangulahi tanomi jana saburon same tusi.

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.