HAMALIMON 26:8 - BIBEL JAMITA NA DENGGAN

⁸ Lima pe sian hamu tarbaen mangalo saratus, jana saratus tarbaen mangalo sampulu ribu.

HAMALIMON 26:8 ပူးပေါင်းရင်းမြစ်များ

1 JUJUR TAON 11:11

Na parjolo perwirania i ma si Jasobam sian horong Hakmoni; ia ma pamimpin ni “Triwira”. Jungada do di sada partempuran dialo ia tolu ratus halak jana dimatehon ia halahi sude dohot hujurnia.

1 JUJUR TAON 11:20

Si Abisai anggi ni si Joab do pamimpin ni “Tridasawira” na tarbonggal i. Jungada do dibunu ia tolu ratus halak dohot tombaknia. Jana sian Tridasawira i, ia ma na umbonggalna,

ESTER 9:16

Angka halak Jahudi na maringanan di Propinsi pe marlagut do halahi mambela diri. Talu do musu i dibaen halahi jana hona bunu 75.000 halak angka na magigi mida halahi. Tapi anggo arta nada dirampas halahi sanga na aha.

HAMALIMON 26:7

Taluhononmunu ma musumunu.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

BILANGAN 31:4

Sian ganop marga ni Israel angkon adong saribu halak kehe marporang.”

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

HAKIM-HAKIM 15:15

Dung i adong ma dapot ia holi-holi isang-isang ni halode na baru mate. Dibuat ia ma holi-holi i, i ma dipake ia laho mamukuli saribu halak lopus mate.