HAMALIMON 26:6 - BIBEL JAMITA NA DENGGAN

⁶ Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

HAMALIMON 26:6 ပူးပေါင်းရင်းမြစ်များ

2 RAJA-RAJA 2:24

Manaili ma si Elisa manatap halahi jana diburai ia ma halahi mangasahon goar ni Tuhan. Jadi manigor ro ma dua gompul boru-boru sian ramba i manyibak-nyibak opat pulu dua halak sian dakdanak i.

1 JUJUR TAON 22:9

Tapi haru songon i pe, dilehen Ia do janji tu au mandok, ‘Adong ma sada anakmu. Mamarenta do ia di bagasan sonang, angke urupanKu do ia jabat nada adong masa porang. Goaron ma ia si Salomo, angke salolot ia mamarenta, sonang jana aman do baenonKu Israel.

2 JUJUR TAON 20:30

I do dalanna umbaen na sonang si Josafat mamarenta jana dilehen Tuhan tusia antong dame di sude luatnia.

JOB 11:19

Nada habiaranmu be musumu. Jana bahat ma halak mangido urupanmu.

JOB 5:23

Nada marbatu ladang na ni pangkurmu, binatang riar pe nada manjombai dirimu.

MASMUR 144:14

Sai mamopari ma angka lombunta, jana ulang adong nian na tarposo sanga na marmagoan. Sai ulang nian adong na habegean holsoan tu pandelean di angka dalan na di kotanta.

MASMUR 147:14

Dijago Ia do luatmunu anso dame tongtong, jana dipabutong Ia ho dohot gandum na tumabo.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

MASMUR 3:5

Hupapayak jana modom au sonang, diramoti Ho do au borngin mamanjang.

MASMUR 4:8

Gabe modom ma au di bagasan sonang angke hum Ho do da Tuhan na bisa manjago au.

MASMUR 85:8

Giotku ma manangihon hata ni Tuhan Debata, dibaen madung dijanjihon Ia pardamean tu hita, bangso na nihaholonganNia, muda tatadingkon antong angka dosanta.

HARURUAR 23:29

Nanggo di bagasan sataon manigor usironKu halahi sude. Sugari songon i Hubaen, tontu gabe tarulang do tano i, jana angka binatang panyoro noma na marroha-roha.

PODA 3:24

Jadi nada marbiar ni roha be ho modom, jana sinok ma ho modom sasaborngin.

PODA 6:22

Muda mardalani ho dongannia do ho; muda modom ho, jagoannia do ho, jana muda ngot ho pangkulingannia do ho.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JESAYA 35:9

Nada ra adong singa disi, panyoro pe nada dalananna i. Angka halak na nipalua mamolus laho mulak sian dalan i.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 31:26

Dokkonon ni halak ma di hatiha i, ‘Dung sinok au tarpodom, togar ma huhilala.’

JEHESKIEL 14:15

Bolas do paroonKu angka binatang panyoro laho mamolgahi halak na adong di luat i, lopus gabe gok parmaraan luat i jana sahalak pe nada adong puluk mamolus.

JEHESKIEL 14:17

Bolas jadi do Huparo porang tu luat i, lalu ningKu do, abisi ma tano i ho ale podang, gabe abis Hubaen sian i jolma dohot pahan-pahanan.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

JEHESKIEL 34:27

Marbatui ma angka suan-suanan, marsuha ma angka ladang, jana sonang be ma ganop halak mangingani tanona sandiri. Muda dung Hugotap rante na manambat bangsongKi jana Hupalua halahi sian angka jolma na marhatobankon halahi, botoon ni halahi ma Au do Tuhan.

JEHESKIEL 5:17

Tamba ni haleon potir paroonKu muse dope nyae, na kejam dohot porang laho mamunu halakmu, dohot angka binatang panyoro laho mamatehon angka dakdanakmu. Au Tuhan, madung mandok songon i.”

HOSEA 2:18

BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

HOSEA 2:20

Hombar tu janjingKu, Hualap ho di Au. Okuonmu sandiri ma Au do Tuhanmu.

HAMALIMON 25:18

Ihutkon hamu ma sude aturan dohot parenta ni Tuhan anso sonang ngolumunu di luat on.

HAMALIMON 25:19

Tano na di luat i mangalehen suhana mambaen tuk panganonmunu gabe sonang hamu disi.

HAMALIMON 26:22

ParoonKu ma angka binatang na parohon parmaraan tu tonga-tongamunu. Soroanna ma angka anakmu, mamunu pahan-pahananmu pasudehon hamu, gabe saotik ma bilanganmunu, gabe lungun angka dalan na adong di luatmunu.

HAMALIMON 26:25

ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

HAMALIMON 26:7

Taluhononmunu ma musumunu.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

BAENON NI ANGKA RASUL 12:6

Borngin i andorang so paadopon ni Raja Herodes si Petrus tu jolo ni halak na bahat, modom ma si Petrus laing dirante di antara ni dua halak tentara panjago i. Laing dijagoi tentara na asing i do sude pintu ni hurungan i.

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.