HAMALIMON 26:5 - BIBEL JAMITA NA DENGGAN

⁵ Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

HAMALIMON 26:5 ပူးပေါင်းရင်းမြစ်များ

MASMUR 144:13

Sai bubung ma nian angka soponta marisi dohot sude suha ni karejonta i. Sai sinur ma angka biri-biri na tapahan di padang mamopari lopus marpulu ribu bahatna.

MASMUR 90:1

Ale Tuhan, Ho do inganan parlindungannami sian najolo, marsundut-sundut,

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JESAYA 30:23

Muda manyabur same hamu, tongoson ni Tuhan ma udan anso tubu same i jana mangalehen suha marlompit ganda. Di pahan-pahananmunu pe rade ma bahat jampalanna.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

HOSEA 2:18

BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

HOSEA 2:20

Hombar tu janjingKu, Hualap ho di Au. Okuonmu sandiri ma Au do Tuhanmu.

JOEL 2:19

Dialusi Ia ma halahi, songon on didok Ia, “Saonnari Hulehen ma di hamu sude: gandum, anggur dohot miak zetun baen panganonmunu be, anso sude hamu gabe butong be. Nada padiaronKu marlayas hamu sanga sipartataan ni angka bangso.

JOEL 2:22

Ulang hamu marsak, ale angka binatang. Saonnari madung mulak mangarata angka padang. Angka hayu ramos be marbatui, batu ni anggur dohot ara marhimpal marlobi-lobi.

JOEL 2:26

Tuk ma sipanganon di hamu, nada be sai malean, pujionmunu ma mangulahi Debatamunu, Tuhan, angke dibaen Ia do di hamu bahat hahomangan. Indada gabe sihata-hataan ni halak be bangsongKi!

AMOS 9:13

Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

PANGARATAION 11:15

maradu ruput di pahan-pahananmunu. Sandok sipanganon na porlu di hamu, rade ma i di hamu.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.