HAMALIMON 26:43 - BIBEL JAMITA NA DENGGAN

⁴³ Tapi angkon jolo rumar do tano i dibaen pangisina, anso tarbaen sonang maradian. Jana bangsongKu angkon mandalani sude uhuman na hona tu halahi hara ni na so ra halahi mangihutkon angka tonangKu dohot parentangKu.

HAMALIMON 26:43 ပူးပေါင်းရင်းမြစ်များ

2 JUJUR TAON 33:12

Di bagasan pardangolannia i dipatoruk ia ma rohania tu Tuhan Debatania jana martangiang ma ia mangido pangurupionna.

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

JOB 5:17

Na dohar ma da ho muda Debata manggorahon ho, ulang mandele muda Ia pasala ho.

MASMUR 119:67

Na jolo somal do au manyimbil, dung diuhumi Ho, hutiop janjiMi.

MASMUR 119:71

Tutu denggan do i angke Ho do manguhumi au, anso hutanda angka hatontuan na nibaenMu.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 50:17

Nada ra ho manjagit sipaingotKu, jana ditulak ho do angka parentangKu.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

JEREMIA 31:19

Madung hami hudukkon Ho tapi parbuatannami i hami solsoli do. Dung diuhumi Ho hami, mangunduk do ulunami hara ni arsaknami. Maila hami jana marbile dibaen mardosa taran poso dope.’

DANIEL 9:14

Madung diuhum Ho hami ale Tuhan Debatanami marhite hamamago na dung nihobasanMu humani, sai tongtong do denggan jana tigor pambaenanMu, hape nada hami tangihon soraMu.

HAMALIMON 26:11

Rap do Au dohot hamu di bagasan Bandar Na Badia, jana nada unjung Hutinggalkon hamu.

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

HAMALIMON 26:41

gabe Hualo halahi jana Huusir halahi tu habuangan di luat ni musu ni halahi. Di pudi dung tunduk angka pomparanmu jana dung mardalan uhuman hara ni dosa dohot pangaloon ni halahi,

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.