HAMALIMON 26:42 - BIBEL JAMITA NA DENGGAN

⁴² ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

HAMALIMON 26:42 ပူးပေါင်းရင်းမြစ်များ

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 26:2

Dibaen ia songon i mardomu na dung dipataridahon Tuhan do diriNa tusia jana didok, “Ulang kehe ho tu Mesir, dison ma ho maringanan, laing songon na Hudokkon tu ho.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 26:5

PasupasuonKu ma ho, hara ni na nioloan ni si Abraham Au jana ditiop ia togu uhum dohot haputusanKu.”

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 9:15

ingotonKu ma janjingKu na tu hamu dohot tu sandok binatang, i ma na so bunuon ni aek na oto be sandok na mangolu.

PAMUNGKAAN 9:16

Sanga andigan tarida halibutongan di ombun i, idaonKu ma i jana ingotonKu ma parjanjianKu na hot i, antara Au dohot sandok na mangolu di tano on.

ESTER 4:14

Sanga na bia pe dalanna pasti maruli partolongan do halak Jahudi, anso malua halahi. Tapi anggo laing hohom do ho di bagasan pangalaho na songon on, ho sandiri pe mate do jana abis ma barita ni keluarga ni amangmu. Ise he umboto i, betak hara ni haporluan di angka hatiha na songon on do antong umbaen na hona pili ho gabe ratu!”

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 136:23

Nada dihalupahon Ia hita dompak ditaluhon hita, hot do holong ni rohaNia sapanjangna.

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 6:5

Madung Hubege angguk ni halak Israel, na niparhatoban ni halak Mesir i, jana gabe taringot Au tu janjingKi.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JEHESKIEL 16:60

Tapi ingotonKu do parjanjian na dung Hubaen dohot ho taran di haposoonmu dohot na mambaen parjanjian na hot dohot ho salolot-lolotna.

JOEL 2:18

Jadi mangulahi ma dipareso Tuhan tanoNia i jana dihaholongi Ia bangsoNia.

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.