HAMALIMON 26:39 - BIBEL JAMITA NA DENGGAN

³⁹ Saotik sian hamu na laing mangolu di luat ni musumunu gabe marhancit hara ni dosamunu sandiri dohot dosa ni ompumunu.

HAMALIMON 26:39 ပူးပေါင်းရင်းမြစ်များ

2 JUJUR TAON 34:24

hata ni Tuhan na mandok songon on: “Na ro ma Au manguhumi Jerusalem dohot sude halak kota i songon na tarsurat di buku na baru disisehon tu raja i.

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 14:21

Pungkaon ma na mambante! Marmatean ma angka anakmu hara ni dosa ni ompu ni ompumu. Umpe sahalak be sian halahi na giot mamarenta di tano on sanga mamungka angka kota.”

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JEREMIA 29:12

Jadi mangido tolong ma hamu tu Au, jana alusanKu ma tangiangmunu.

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 31:29

Anggo di hatiha i nada be dokkonon ni halak, ‘Simatobangna do mangankon batu ni hayu na ancom, hape anakna do ngiluan ipon.’

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 4:9

Maruntungan noma mate di parporangan, sian na mate malean. Mardangol halahi boti muli-muli markancit, hara ni na so adong panganon sian ladang.

JEHESKIEL 18:19

Tapi ra adong do halak na marsapa biasi nada dohot anakna i mananggung panginona ni angka dosa ni amangna i. Anggo alus ni i, songon on do: Angke burju jana tigor do antong anaknia i. Burju do dioloi angka tona na sian Au jana torus do i didalankon ia, jadi gabe tongtong ma ia mangolu.

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

JEHESKIEL 24:23

Nada mardalan hamu na so mamake tutup ni ulu sanga tapak-tapak ni pat, nada mangandung sanga tangis. Mur markancit ma hamu patunda ni angka dosamunu i; humolos be ma hamu na sada tu na asing.

JEHESKIEL 33:10

Didok Tuhan ma tu au, “Ale anak ni jolma, pasulak ma tu halak Israel na nidok ni halahi on, ‘Mardangol do hami hara ni na mamorsan dosa dohot hajahatannami. Bia ma pambaennami mangolu?’

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

JEHESKIEL 4:17

Mandele noma halahi hara ni na abis roti dohot aek, jana ujungna marmatean ma halahi hara ni angka dosana.”

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

ZAKARIA 10:9

Haru pe Husursar halahi di tonga-tonga ni angka bangso, laing ingoton ni halahi do Au di adu. Malua do halahi songon i muse angka dakdanakna, jana rap mulak halahi tu tanona.

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

PANGARATAION 28:65

Sanga na di dia pe nada adong dapot ho hasonangan, nada adong sada inganan na tardok ho songon ho puna; baenon ni Tuhan ma ho gamang sajo, nada adong arop ni roha, jana gok pandelean.

PANGARATAION 30:1

“Saonnari bolas ma pilionmunu pasupasu sanga bura. Muda dung tarjadi sudena i tu dirimunu, jana maringanan di tonga-tonga ni angka bangso na asing hamu di inganan parserahanmunu dibaen Tuhan, tarsingot ma hamu di sipilion na hulehen tu hamu.

PANGARATAION 5:9

Ulang unduk marsomba tu angka i sanga marsomba tu sudena i, angke Au, Tuhan Debatamu, i ma Debata na so ra padiarkon adong imbangKu, na mambaloskon hasalahan ni ama-ama tu dakdanakna, lopus tu sundut patoluhon dohot paopatkon sian halak na margoyak ni roha tu Au.

PANGARATAION 8:20

Muda nada marpangoloion hamu tu Tuhan, hamu pe laing hona pusa muse do songon angka bangso na giot abiskononNia di jolo ni matamunu.”