HAMALIMON 26:37 - BIBEL JAMITA NA DENGGAN

³⁷ Marlojong ma hamu martomboman na sada tu na sada nari, hatiha so adong na mangayak, jana nada adong gogomunu marporang mangalo sanga musu aha pe.

HAMALIMON 26:37 ပူးပေါင်းရင်းမြစ်များ

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 46:16

Bahat tentaramunu tartuktuk lalu tinggang. Didok halahi do sama halahi, ‘Beta ma da mulak hita tu bangsonta anso laing malua hita sian podang ni musu i.’

JEREMIA 6:21

BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

NAHUM 3:3

Ro ma parangan na markudo manyaroso, marjilam-jilam angka podangna jana marlinang-linang. Nada taretong bahat ni jolma na mate, marsidondonan angka bangke, mambaen jolma tartuktuk be.

BILANGAN 14:42

Ulang hamu kehe. Taluhonon ni musumunu do hamu angke nada didongani Tuhan hamu.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.

1 SAMUEL 4:2

Dipajolo tentara ni Pilistin i ma mangaroro jana dung mur hebat parporangan i, talu ma tentara ni Israel jana mate ma hira-hira opat ribu halak di galanggang parporangan i.