HAMALIMON 26:36 - BIBEL JAMITA NA DENGGAN

³⁶ Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

HAMALIMON 26:36 ပူးပေါင်းရင်းမြစ်များ

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

PAMUNGKAAN 4:12

Muda pe gabe martani ho, na so adong ma bagi aha hasil ni tano i; gabe halak na madoado noma ho na so adong bagasna di tano on.”

2 JUJUR TAON 14:14

Dung i dironcohon halahi ma angka kota na di luat na humaliang Gerar, harana gabe mabiar do halak na maringanan disi dibaen Tuhan. Dirampasi tentara ni Juda ma sude kota i jana bahat do barang dapot halahi.

JOB 13:25

Hum bulung-bulung na madabu diombus alogo do iba, hagamangkononMu ma he au? Hum durame na hiang jana na malos do iba, patut ma he pakojar-kojaronMu au?

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

MASMUR 53:6

Ale Tuhan, satontang tu Israel hami pangidohon, lehen ma hamonangan sian Dolok Sion. Gabe marjop ni roha ma bangsoMi, muda dung dibaen Ho halahi masonang mangulahi.

MASMUR 89:43

Maleu dibaen Ho sinjatania, dipadiar Ho talu di porang ia.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

JESAYA 7:2

Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

JESAYA 7:4

Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 46:16

Bahat tentaramunu tartuktuk lalu tinggang. Didok halahi do sama halahi, ‘Beta ma da mulak hita tu bangsonta anso laing malua hita sian podang ni musu i.’

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 1:6

Hum turi-turian na salpu noma da hagodangan ni kota Sion. Tangkuraparon noma angka pamimpin boti abis gogona songon ursa na marlojongi sian na marburusa.

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

JEHESKIEL 21:12

Mangandung ma ho, ale jolma parsantongkinan, mangarar ma ho jana pio-pio! Angke madung hobas podang i mangalo bangsongKu. Angka pamimpin ni Israel rap dohot bangso i sudena tihamon ni podang i ma lopus marmatean. Jadi tompuk ma andoramu hara ni dangolna,

JEHESKIEL 21:15

Mago do habaranion ni bangsongKu dibaen podang i jana tartuktuk lalu tinggang. Huondam kota ni halahi dohot podang na manyirlak songon hilap jana na hobas laho mambunu.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

HOSEA 8:3

laing na so ra do halak Israel manjagit na denggan. Jadi hara ni i angkon ayak-ayahon ni musuna ma halahi.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

PANGARATAION 1:44

Gabe ruar ma halak Amori na mangingani luat na martor i mangalo hamu. Sun do bahat ni halahi, songon dia loba na sarsar. Dikojar halahi ma hamu lopus tu Horma, disi ma hamu talu dibaen halahi di tano partoran Edom.

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

JOSUA 7:5

Dikojar angka halak na sian Ai do halahi sian horbangan ni kota Ai sadao-daona lalu hona bunu sian halahi adong tolu pulu onom halak di rereng ni dolok. Jadi gabe mabiar ma angka halak Israel jana gamang.

1 SAMUEL 17:24

Disi diida halak Israel ro si Goliat, manigor marlojongi ma halahi mabiar.