HAMALIMON 26:32 - BIBEL JAMITA NA DENGGAN

³² Maronco ma luatmu sude, pola tarsonggot angka musumu na marnida i hara ni bahat ni na maronco i.

HAMALIMON 26:32 ပူးပေါင်းရင်းမြစ်များ

1 RAJA-RAJA 9:8

Bagas parsombaan on, angkon gabe tiranggong, pola tehe sude halak na mamolus disi gabe homang jana tarsonggot. Dohonon ni halahi ma, ‘Biasi dibaen Tuhan i songon i tu luat on dohot tu bagas parsombaan on?’

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JESAYA 5:9

Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

JEREMIA 18:16

Madung dibaen halahi luat on gabe inganan na jorbut jana gabe sihata-hataan sapanjangna. Sandok halak na mamolus marsiupirkon uluna be hara ni jorbut ni pangkilalaanna.

JEREMIA 19:8

BaenonKu hamamago na mansai jorbut tu kota on, anso sude halak na mamolus sian i tarsonggot jana mangupir.

JEREMIA 25:11

PadiaronKu do sude luat on sego jana gabe lobu; mangoloi tu raja Babel ma angka bangso na humaliang pitu pulu taon honokna.

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

ANDUNG 5:18

Madung sego jana lungun Dolok Sion; sorigala disi mardalan-dalan.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

DANIEL 9:18

Tangihon ma hami ale Debata, tatap ma hami jana parrohahon ma hasusaannami, songon i dohot parhancitan ni kota na nigoaran mangihutkon goarMu. Nada hara ni pambaenannami na denggan umbaen na martangiang hami tu Ho, tapi hara ni na paribo roha do Ho.

DANIEL 9:2

Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

PANGARATAION 28:37

Tarsonggot be ma angka jolma na marnida ho di inganan parserahanmunu dibaen Tuhan paida-ida na masa di ho; siincak-incahan ni halak ma ho jana sipartataanna.