HAMALIMON 26:30 - BIBEL JAMITA NA DENGGAN

³⁰ RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

HAMALIMON 26:30 ပူးပေါင်းရင်းမြစ်များ

PAMUNGKAAN 19:13

harana abiskononnami ma kota on. Madung ditangihon Tuhan angka tuhas-tuhas na dokdok maradopkon halak na dison, jana na diutusNia do hami laho mangabiskon kota Sodom on.”

1 RAJA-RAJA 13:2

Diparentahon Tuhan ma anso marsurak panurirang i tu langgatan i, “O langgatan, o langgatan! Songon on ma didok Tuhan, ‘Sorang ma sada anak na margoar si Josia di tonga-tonga ni horong ni si Daud. Bunuonnia ma di ginjangmon angka malim na pature langgatan ni angka debata na asing dohot na manghaulkon haul di ginjangmu. Jana laing di ginjangmon ma tutungonnia angka holi-holi ni halahi.’ ”

1 RAJA-RAJA 13:32

Sanga aha na nidoknia na niparentahon ni Tuhan salaho tu langgatan na di Betel dohot salaho tu sude inganan paribadatan na di angka kota ni Samaria, pasti do tarjadi sudena i.

2 RAJA-RAJA 23:16

Di na manaili si Josia, diida ia ma angka kuburan di ginjang ni dolok. Gabe disuru bungkar ia ma tu halak kuburan i jana ditutungi ma holi-holina i di ginjang ni langgatan na di Betel, dung i ditapor-tapor ia ma langgatan i, markite-hite dalan on dipahodar ia ma angka langgatan. Jadi gabe tulus ma tarjadi na nidok ni panurirang ni Tuhan narobi hatiha jongjong Raja Jerobeam di lambung ni inganan i di sada ari pesta. Dung i diida Raja Josia muse ma sada nari kuburan.

2 RAJA-RAJA 23:20

Sanga ise malim na so marsomba tu Debata, dibunu ia di ginjang ni angka langgatan inganan pamelean ni halahi hian. Jana di sude langgatan i, ditutungi si Josia angka holi-holi ni jolma. Dung i mulak ma ia tu Jerusalem.

2 RAJA-RAJA 23:8

Angka malim na di kota ni Juda, dioban ia ma tu Jerusalem, dung i sanga na didia adong di luat i mamungka sian Geba lopus tu Barseba, dihodari ma angka langgatan ni debata, i ma inganan ni angka malim i songon na somal mamelehon haul. Nada dipatola be angka malim i mangkobasi di Bagas Ni Debata, tapi anggo roti na so marragi na niparade di angka dongan ni halahi tola do panganon ni halahi. Angka langgatan hapunjungan ni debata na di lambung ni Horbangan Josua walikota ni luat i, disegohon do. Sabola siambirang do Horbangan i muda laho masuk iba tu kota mamolus sian Horbangan Godang.

2 JUJUR TAON 23:17

Disaroso halahi sude ma bagas parsombaan ni Baal lalu dirumpakkon halahi; langgatan dohot angka patungna i dilantuk halahi dohot si Matan, malim ni Baal i pe dibunu di jolo ni angka langgatan i.

2 JUJUR TAON 31:1

Dung sidung pesta i, kehe ma sude rayat i tu ganop kota na di Juda, lalu diropuk halahi ma angka tugu ni gana-ganaan, diparumpakkon halahi ma angka patung na dipajongjong di Debata Asera jana diabiskon ma angka langgatan maradu angka inganan pamelean tu gana-ganaan. Laing dibaen halahi ma songon i di angka kota na asing di Juda dohot di Luat Benyamin, Efraim dohot Manase. Dung i marmulahan ma halahi sude tu ingananna be.

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 89:38

Hape saonnari ale Tuhan, muruk Ho tu raja i, halak na nitodoMu dibuang jana ditadingkon Ho i.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEHESKIEL 16:39

Pasahatonku ma ho tu angka haholongan ni rohami jana rumpakkonon ni halahi ma angka inganan panggampanganmi dohot parsombaan ni gana-ganaanmi. Rampason ni halahi sude parabiton dohot barang seremu lopus marsaemara ho.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

JEHESKIEL 6:13

Marragean ma angka bangso di antara ni angka gana-ganaan i dohot humaliang ni angka langgatan i, marserak di ganop dolok na gincat dohot di puncu ni ganop dolok, di toru ni ganop hayu na rumbun dohot di ganop bona ni hayu na godang; pendekna, sanga di dia halahi manutung haul tu gana-ganaan ni halahi. Jadi botoon ni ganop jolma ma, Au do Tuhan.

HOSEA 10:2

Angka jolma parroha na geduk i, angkon taononna ma saonnari panginona i ni dosana i. Roncohonon ni Debata ma langgatan ni halahi i, jana rumpakkonon ma angka tugu ni gana-ganaan ni halahi.

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

HAMALIMON 26:11

Rap do Au dohot hamu di bagasan Bandar Na Badia, jana nada unjung Hutinggalkon hamu.

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

AMOS 7:9

Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.