HAMALIMON 26:26 - BIBEL JAMITA NA DENGGAN

²⁶ Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

HAMALIMON 26:26 ပူးပေါင်းရင်းမြစ်များ

2 RAJA-RAJA 6:25

jadi gabe masa ma haleon potir di bagasan kota i, jabat mararga sada ulu ni halode salapan pulu hepeng perak jana dua ons kotoran ni darapati mararga lima hepeng perak.

MASMUR 105:16

Dipadondonkon Tuhan tu luat ni halahi haleon, jana dibuat sian halahi sude simpanan ni panganon.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JESAYA 9:20

Di sude luat i marsirampas ma halak jana dipangan be ma sanga aha sipanganon na dapot, hape nada marnabutong. Salang dakdanak ni halahi sandiri pe dipangan halahi!

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

JEHESKIEL 4:10

Angkon bagi-bagionmu ma roti i anso tuk di ho ganop ari 230 gram sajo. Nada tola lobi sian i.

JEHESKIEL 4:16

Dung i didok Ia muse, “Ale jolma parsantongkinan, abis baenonKu bohal simpanan na di Jerusalem. Mardongan biar dohot ganggu ni roha antaraan ni angka jolma noma mangankon sipanganonna dohot minum aek siinumonna.

JEHESKIEL 4:17

Mandele noma halahi hara ni na abis roti dohot aek, jana ujungna marmatean ma halahi hara ni angka dosana.”

JEHESKIEL 5:16

Abis baenonKu simpanan ni balanjomu jana padiaronKu tangkuraparon halakmu. Hilalaon ni halahi ma paniak ni na malean, songon anak ni pana na tajom na manombuk jana mamatehon ho.

HOSEA 4:10

Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

HAMALIMON 26:27

Dung ditaon hamu sude na songon i, hape laing so ditangihon hamu Au jana nada dioloi hamu Au

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.