HAMALIMON 26:25 - BIBEL JAMITA NA DENGGAN

²⁵ ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

HAMALIMON 26:25 ပူးပေါင်းရင်းမြစ်များ

2 SAMUEL 24:15

Dung salpu i, diparo Tuhan ma bala tu Israel, sian manyogot i lopus tu hatiha na dung ditontuhonna i. Di sude Israel, mate do pitu pulu ribu halak halaklahi.

1 RAJA-RAJA 8:33

“Muda talu ma halak Israel dibaen angka musuna hara ni na mardosa halahi, gabe ro halahi mangido pangurupiMu jana martangiang tu bagas parsombaan on, sian toruk ni roha mangido ampun tu Ho,

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

2 RAJA-RAJA 17:3

Diporangi jana dipapatu si Salmaneser raja ni Asur ma ia, lopus angkon manggarari pajak ia ganop taon tu Asur.

2 JUJUR TAON 24:24

Hapengani saotik sajo do tentara ni Siria, tapi dipadiar Tuhan ditaluhon halahi tentara ni Juda i na dao umbahat bilanganna, hara ni na so dirohahon halak Juda be Tuhan, Debata ni ompu ni halahi. Songon i ma dibaen Tuhan manguhum Raja Joas.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

HARURUAR 5:3

Didok si Musa dohot si Harun ma, “Debata ni halak Ibrani i, madung ro manopot hami. Loas ma hami kehe tu halongonan, hira-hira tolu ari mardalan daona, laho manghaulkon haul tu Tuhan Debatanami. Muda nada hami baen i, bunuonNia ma hami marhite nyae sanga porang.”

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

JEHESKIEL 14:17

Bolas jadi do Huparo porang tu luat i, lalu ningKu do, abisi ma tano i ho ale podang, gabe abis Hubaen sian i jolma dohot pahan-pahanan.

JEHESKIEL 20:37

“ParmahanonKu ma hamu songon biri-biri, padalanonKu hamu sian toru ni tungkot harajaan, jana pamasukon tu bara jana mangetong hamu.

JEHESKIEL 29:8

Hara ni i, Au Tuhan Debata mandok tu ho, tongosonKu ma tentara na giot mamorangi ho dohot podang, jana bunuonna ma halakmu dohot pahan-pahananmu.

JEHESKIEL 33:2

“Ale jolma parsantongkinan, dokkon ma tu bangsomi, muda Huparo parporangan tu sada luat, on ma na giot tarjadi. Pilion ni halak luat i ma sian tonga-tonga ni halahi sada halak panjago.

JEHESKIEL 5:17

Tamba ni haleon potir paroonKu muse dope nyae, na kejam dohot porang laho mamunu halakmu, dohot angka binatang panyoro laho mamatehon angka dakdanakmu. Au Tuhan, madung mandok songon i.”

JEHESKIEL 6:3

Jana dohononmu ma: Hamu ale angka dolok ni Israel, tangihon hamu ma tona ni Tuhan Debata! Songon on do hata ni Tuhan Debata tu angka dolok, angka holbung, angka tor, angka rura, “Ligi ma Au parohon tu hamu porang anso mago angka inganan panyombaan ni gana-ganaanmunu.

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

HABAKUK 3:5

Disuru Ho do nyae mardalan di joloMu jana ihut ma hamatean di pudiMu.

BILANGAN 14:12

PukulonKu ma halahi marhite na parohon nyae na mangalangkoti. Jana baenonKu ma ho gabe ama ni sude bangso na gumodang jana na gumogo sian halahi!”

BILANGAN 16:49

Na mate di hatiha i 14.700 halak. So padohot na mate hara ni si Korah na mangalo i.

BILANGAN 31:3

Dung i didok si Musa ma tu bangso Israel, “Marhobas ma hamu laho marporang, angkon poranganmunu do halak Midian laho manguhum halahi, hara ni sude pambaenan ni halahi maradopkon Tuhan.

LUKAS 21:11

Sanga di dia pe masa ma angka lalo na gogo. Masa ma haleon dohot nyae bala. Masa muse ma angka pangalaho na jorbut dohot angka hahomangan sian langit.

PANGARATAION 28:21

Marsingki-soluk ma nyae ro tu ho, lopus ujungna sahalak pe nada adong be na tinggal di tano na giot siingananmunu i.

PANGARATAION 32:25

Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

PANGARATAION 32:41

dung salpu kuaso ni podangKu na tajom na marhillong padalanonKu ma hatigoran. Hupalalu ma hosom tu sudena na magigi tu Au Hudabu uhumanna.

HAKIM-HAKIM 15:11

Umbege i, gabe kehe ma tolu ribu halak Juda tu liang na di dolok batu na di Etam. Didok halak ma disi tu si Simson, “Na mambaen bia dehe ho tu hami? Na so diboto ho dehe lakna bahaso na dung ro halak Pilistin mangkuasoi hita?” Dialusi si Simson ma, “Na mambaloskon na nibaen ni halahi tu au sajo do na hubaen.”