HAMALIMON 26:19 - BIBEL JAMITA NA DENGGAN

¹⁹ Tarlobi do sombongmunu, tapi Au patunduk hamu. Nada ro be udan, gabe hiang ma tanomi pir songon batu.

HAMALIMON 26:19 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 8:35

“Muda diantak Ho udan hara ni dosa ni bangsoMi tu Ho, gabe disolsoli halahi dosa ni halahi gabe ro halahi tu bagas parsombaan on jana martangiang di bagasan toruk ni rohana tu Ho,

JESAYA 25:11

Surduhonon ni pangisina ma tanganna songon halak na giot marlange. Hape na giot patutoruon ni Tuhan ma halahi lopus gale tanganna i nada margogo.

JESAYA 26:5

Patutoruon ni Tuhan do halak siginjang roha, jana pangabisonNia kota ni halahi bagi na bia pe toguna, angka tembokna i maropuk marsampahan tu abu.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JEREMIA 13:9

“Songon i ma na giot baenonKu maradopkon halak Juda dohot tu halak Jerusalem. RopuhonKu ma haginjangon ni roha ni halahi na lobi i.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

JEHESKIEL 30:6

Didok Tuhan Debata i ma, “Sian Migdol di Utara lalu tu Siene di Selatan, marmatean ma sude dongan ni Mesir di parporangan. Au Tuhan Debata i madung mandok songon i.

JEHESKIEL 33:28

BaenonKu ma luat i gabe padang halongonan na lungun, jana marujung ma kuaso na sai dipangasahon ni halahi. Gabe gasgas hatubuan ni duri ma angka dolok na di Israel, gabe nada adong be halak tarbaen mamolussa.

JEHESKIEL 7:24

ParoonKu ma angka bangso na jumingar laho mambuati angka bagasmunu. Heput do angka jolma na gumarang sian hamu angke padiaronKu do angka bangso i mangaroncohon inganan paribadatanmunu.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

LUKAS 4:25

Tapi ingot hamu ma: Di hatiha ni si Elia, di na so ro udan tolu satonga taon honokna, jabat masa haleon potir di luat i sude, bahat sajo do na mabalu di tonga-tonga ni halak Israel.

PANGARATAION 11:17

Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

PANGARATAION 28:23

Nada ra ro udan, jana marpir ma tanomunu songon bosi.

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.

1 SAMUEL 4:3

Dung mulak angka tentara na malua i tu parbandaranna, didok angka pamimpin ni Israel ma, “Biasi ulaning dipadiar Tuhan talu hita dibaen halak Pilistin sadari on? Beta, tabuat ma Poti Parjanjian ni Tuhan sian Silo, jana taoban tuson, anso ra Tuhan mandongani hita dohot paluahon hita sian musu i.”