HAMALIMON 26:17 - BIBEL JAMITA NA DENGGAN

¹⁷ Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

HAMALIMON 26:17 ပူးပေါင်းရင်းမြစ်များ

PAMUNGKAAN 4:12

Muda pe gabe martani ho, na so adong ma bagi aha hasil ni tano i; gabe halak na madoado noma ho na so adong bagasna di tano on.”

1 RAJA-RAJA 8:33

“Muda talu ma halak Israel dibaen angka musuna hara ni na mardosa halahi, gabe ro halahi mangido pangurupiMu jana martangiang tu bagas parsombaan on, sian toruk ni roha mangido ampun tu Ho,

2 RAJA-RAJA 13:3

Jadi gabe muruk ma Tuhan tu Israel, jana dipadiar Tuhan ma sanga piga-piga noli ro si Hasael raja ni Siria dohot anakna si Benhadad manaluhon Israel.

2 RAJA-RAJA 13:7

Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.

MASMUR 44:10

Dipadiar Ho do hami maporus sian musu na mangarampas artanami.

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

MASMUR 53:6

Ale Tuhan, satontang tu Israel hami pangidohon, lehen ma hamonangan sian Dolok Sion. Gabe marjop ni roha ma bangsoMi, muda dung dibaen Ho halahi masonang mangulahi.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 44:11

Jadi hara ni i, Au Tuhan Na Markuaso, Debata ni Israel, baenonKu ma hamu songon Juda jana patimpasonKu.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 2:4

Songon musu i, marmetar Ia manembakkon anak ni pana, jana dipaadop tu hita. Sude jolma na pasonang rohanta, abis hona bunu dibaen Ia. Dibursikkon Ia hamuruhonNia i tu bagasan kota Sion songon api.

JEHESKIEL 15:7

Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

JOSUA 7:4

Jadi gabe hum tolu ribu halak do na kehe mangaroro kota i. Hape disosak halahi mundur.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 3:14

Salapan bolas taon honokna halak Israel tunduk tu si Eglon.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.

HAKIM-HAKIM 6:2

Jana hara ni gogona halak Midian i, markehean ma halak Israel martabuni tu angka liang dohot tu angka inganan na asing na aman di angka dolok.

1 SAMUEL 12:15

Sabalikna, muda nada ditangihon hamu Tuhan i, mur dialo hamu parentaNa, pasti do aloon ni Tuhan hamu dohot rajamunu i.

1 SAMUEL 31:1

Laing di hatiha i marporang do halak Pilistin mangalo halak Israel di Dolok Gilboa. Bahat do halak Israel na mate disi, jana angka na tinggal i kehe ma maporus.

1 SAMUEL 4:10

Dung i marporang ma halak Pilistin i marsitutu jana ditaluhon halahi ma halak Israel. Marlojong ma halahi tu bandarna be. Hataluan godang do i: tolu pulu ribu hona bunu tentara ni Israel.