HAMALIMON 26:16 - BIBEL JAMITA NA DENGGAN

¹⁶ uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

HAMALIMON 26:16 ပူးပေါင်းရင်းမြစ်များ

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

JOB 18:11

Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

JOB 20:25

Mabugang ma ia hona anak ni pana; ujung ni pana na marlinang manombus pamatangna, gabe digohi biar ma rohana.

JOB 31:8

sai gabe halak na asing ma marsaulihon na husabur, jana sai sisoada ma sude suha ni karejongku.

MASMUR 109:6

Padiar ma halak na jurngit mangadili musungki jana diuhumi alona sandiri.

MASMUR 73:19

Maronco halahi di bagasan sangkinidop mata, jorbut ma da hasidunganna.

MASMUR 78:33

Hara ni i gabe dipaujung Ia ma ngolu ni halahi, songon sangombus hosa, manigor lintop ma halahi.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

PODA 3:33

Diburai Tuhan do bagas ni parjahat, tapi dipasupasu do bagas ni partigor.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 7:2

Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEREMIA 15:3

Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

JEREMIA 20:4

Tuhan sandiri mandok, ‘BaenonKu ma ho gaor di bagasan dirimu sandiri dohot di angka donganmu. Idaon ni matamu ma halahi bunuon ni musu ni halahi. PadiaronKu ma sude halak Juda patunduhon ni Babel; haldungonna deba sian halahi gabe taban tu Babel jana tebana i mate niuhuman.

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEHESKIEL 24:23

Nada mardalan hamu na so mamake tutup ni ulu sanga tapak-tapak ni pat, nada mangandung sanga tangis. Mur markancit ma hamu patunda ni angka dosamunu i; humolos be ma hamu na sada tu na asing.

JEHESKIEL 33:10

Didok Tuhan ma tu au, “Ale anak ni jolma, pasulak ma tu halak Israel na nidok ni halahi on, ‘Mardangol do hami hara ni na mamorsan dosa dohot hajahatannami. Bia ma pambaennami mangolu?’

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

MIKA 6:15

Disabur hamu gandum, tapi nada buatonmunu suhana. Ditanak hamu miak sian batu ni zetun, tapi nada buatonmunu suhana. Ditanak hamu miak sian batu ni zetun, tapi nada tarpake hamu miakna i. Diporo hamu anggur, hape nada inumonmunu.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

ZAKARIA 14:12

Pamasaon ni Tuhan ma nyae na jorbut tu sude bangso na dung unjung marporang mangalo Jerusalem. Mata dohot sude pamatang ni halahi, busuk-busuk boti ma i mangolu-olu dope halahi.

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

PANGARATAION 28:51

Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.

PANGARATAION 32:25

Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.

IBRANI 10:31

Na jorbut situtu do muda madabu hita tu tangan ni Debata Na Mangolu i!

HAKIM-HAKIM 6:11

Sanoli ro do Surusuruan Ni Tuhan di desa Ofra, lalu juguk di toru ni hayu ara nampuna ni si Joas, sada halak na sian golongan ni Marga Abieser. Na topet manggiling gandum di panggilingan anggur do anak ni si Joas on, na margoar si Gideon. Anso ulang diida halak Midian do umbaen na martabuni-tabuni dibaen ia songon i.

1 SAMUEL 2:33

Tapi sada sian pomparanmu giot paluaonKu jana oloannia ma Au, songon malim. Tapi gabe mapitung ma ho jana mangolu di bagasan pandelean. Sudena pomparanmu na asing i bunuonKu.