HAMALIMON 26:11 - BIBEL JAMITA NA DENGGAN

¹¹ Rap do Au dohot hamu di bagasan Bandar Na Badia, jana nada unjung Hutinggalkon hamu.

HAMALIMON 26:11 ပူးပေါင်းရင်းမြစ်များ

2 SAMUEL 7:7

Salolot na mimbarimbar i dohot bangso Israel, na so jungada dope Au marsapa tu angka pamimpin ni Israel na Hutodoi i, sanga hara ni aha umbaen na so dipauli di Au bagas sian hayu sampinur Libanon.’ ”

1 RAJA-RAJA 6:13

Maringanan ma Au di bagas na nipauliMi gabe tongtong Au di tonga-tonga ni bangsongKu Israel. Nada tinggalkononKu halahi.”

1 RAJA-RAJA 8:13

Dison hupajongjong di Ho tarsongon bagas godang baen inganan ma i di Ho sapanjangna.”

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 76:2

Jerusalem do ingananNia; Dolok Sion do inganan parmiananNia.

MASMUR 78:59

Sun ma muruk ni Debata paida-ida pangalaho ni bangsoNa i, gabe ditulak ma halahi balging.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

HARURUAR 29:46

Gabe botoon ni halahi ma bahaso Au do Tuhan Debata ni halahi na maroban halahi ruar sian Mesir, anso tarbaen Au maringanan di tonga-tonga ni halahi. Au ma da Tuhan Debata ni halahi.”

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

JOEL 2:27

Jadi botoonmunu ma ale Israel, na di tonga-tongamunu do Au, jana Au do Tuhan Debatamunu. Nada adong Debata na asing be, olat ni Au sandiri. Nada pailaon be bangsongKi salolot-lolotna!”

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

HAMALIMON 26:43

Tapi angkon jolo rumar do tano i dibaen pangisina, anso tarbaen sonang maradian. Jana bangsongKu angkon mandalani sude uhuman na hona tu halahi hara ni na so ra halahi mangihutkon angka tonangKu dohot parentangKu.

HAMALIMON 26:44

Tapi haru pe laing di luat ni musu halahi tinggal, nada tinggalkononKu sanga roncohononKu halahi. Angke muda Huroncohon halahi, na manggotapkon parjanjian do Au tu halahi, hape Au do Tuhan Debata ni halahi.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

EPESUS 2:22

Di na mardomu i dohot Kristus, na nipajongjong do hamu rap dohot halak na asing gabe sada Bagas Ni Debata; maringanan do Debata disi dohot TondiNia.

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.

JOSUA 22:19

Antong hara ni i, muda na so patut do luatmunu i baenon gabe inganan marsomba tu Tuhan, pinda ma hamu tuson tu tano ni Tuhan, di inganan ni Bandar Parmianan Ni Tuhan. Pangido hamu ma deba luatnami on, tapi ulang antong alo hamu Tuhan, sanga mambaen hami mangalo Tuhan marhite na pajongjongkon sada langgatan na asing, angke na dung adong do antong langgatan ni Tuhan Debatanta.

JOSUA 22:31

Dung i didok si Pinehas anak ni Malim Eleasar i ma tu angka halak Marga Ruben, Gad dohot Manase Parhabincaran i, “Saonnari hami boto ma na nidonganan ni Tuhan do hita, angke nada dialo hamu Tuhan. Madung dipalua hamu halak Israel sian uhuman ni Tuhan.”

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

HALUMBAAN 7:15

I ma umbaen na tola halahi jongjong di adopan ni habangsa ni Debata jana mangoloi Ia arian na borngin di bagasan Bagas Na Badia. Jana rap ma Ia na juguk di habangsa i dohot halahi laho mangondihon halahi.