HAMALIMON 26:1 - BIBEL JAMITA NA DENGGAN

¹ Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

HAMALIMON 26:1 ပူးပေါင်းရင်းမြစ်များ

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

2 RAJA-RAJA 17:8

jana diihutkon halahi hasomalan ni angka bangso na nipaorot ni Tuhan di na masuk bangso Israel mamorangi angka bangso i. Diihutkon halahi do adat na somal na nibaen ni angka raja ni Israel,

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 34:17

Ulang baen hamu debata na nituang di hamu.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

HAMALIMON 25:55

Nada tola gabe hatoban halak Israel salolot mangolu, angke halak Israel, halak ni Tuhan do i, Tuhan do maroban halahi haruar sian Mesir. Ia do Tuhan Debata ni halahi.

HAMALIMON 7:33

tu na pasahat mudar dohot tabo-tabo ni haul sipanganon i.

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 5:6

Ninna Debata ma, ‘Au do Tuhan Debatamu, na maroban hamu ruar sian tano Mesir, sian inganan parhatobanan i.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

HAKIM-HAKIM 18:30

Dibaen halahi ma disi patung ni gana-ganaan na nioban ni halahi i lalu diangkat halahi ma si Jonatan anak ni si Gersom, pahompu ni si Musa, gabe malim ni halahi. Hot do pomparan ni si Gersom on gabe malim ni Marga Dan i lopus tu hatiha di na hona oban halak Israel jana dibuang tu tano na asing.