HAMALIMON 25:9 - BIBEL JAMITA NA DENGGAN

⁹ jadi di tanggal sampulu bulan pitu i ma ari hasesaan ni dosa. Dokkon ma sahalak kehe tu angka inganan mamalu sarune di sude luat on.

HAMALIMON 25:9 ပူးပေါင်းရင်းမြစ်များ

MASMUR 89:15

Martua ma bangso na marsomba mardongan ende, sondangon ni hadenggananMu ma ngolu ni halahi, ale Tuhan.

MASMUR 89:16

Hara ni Ho, gabe marjop ni roha halahi, dipuji halahi hadenggananMu sasadari.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

HAMALIMON 16:20

“Dung salose si Harun patulus karejo habadiaan ni Bilik Na Sun Badia dohot angka bagian na asing sian Bandar Parmianan Ni Tuhan bope langgatan, angkon pasahatonnia ma tu Tuhan hambeng na mangolu na dung dipili tu si Asasel.

HAMALIMON 16:29

“Angka aturan on pe angkon patuluson tu zaman na giot ro sapanjangna. Di ari sampulu bulan pitu, sude halak Israel dohot angka halak na leban na rap dohot halahi, angkon marpuaso do jana nada tola mangkarejohon sanga aha pe, angke ari na sun badia do ari i. Di ari i angkon baenon do pesta paiaskon bangso Israel sian sude dosa ni halahi, anso ias halahi mangihutkon aturan ni ugamo.

HAMALIMON 25:8

Etong ma pitu noli pitu taon gabe opat pulu sambilan taon

HAMALIMON 27:17

Muda dilehen torus tano i dung Taon Haluaan, gok ma argana.

HAMALIMON 27:24

Di Taon Haluaan angkon paulahon ma ladang i tu nampunasa parjolo sanga tu pomparanna.

BILANGAN 10:10

Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

BILANGAN 36:4

Di Taon Paulakkon, di bangso Israel, dipaulak ma tu nampuna parjolo angka arta teanan na dung targadis, gabe hot ma tano ni boru ni si Zelafehad i gabe teanon ni halaklahi ni halahi, gabe agoan tano ma marga nami.”

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

1 TESSALONIKA 1:8

Angke mamungka sian hamu do rarat barita taringot tu Tuhan Jesus tu Makedonia dohot Akaya. Jana nada hum i sajo; barita ni haporsayaanmunu pe tu Debata, madung tarbonggal sun tu dia, gabe nada adong be pola na porlu sidokkononnami.

JOSUA 6:4

Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.