HAMALIMON 25:54 - BIBEL JAMITA NA DENGGAN

⁵⁴ Muda nada tarpalua dope ia dohot angka dakdanaknia marhite dalan na songon i, di Taon Haluaan na giot ro angkon paluaon do ia dohot angka dakdanaknia.

HAMALIMON 25:54 ပူးပေါင်းရင်းမြစ်များ

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

JESAYA 52:3

Didok Tuhan ma tu bangsoNia, “Nada margarar hamu digadis, jadi saonnari pe nada margarar hamu dipalua.”

HAMALIMON 25:10

Songon i ma baen hamu hasurungan ni taon palimapuluhon i, jana paboa haluaan di sude pangisi ni luat on. Salolot ni na pitu taon i, sandok arta teanan na dung targadis angkon paulahon tu nampuna hian sanga tu pomparanna. Sanga ise na dung targadis gabe hatoban, angkon dipaulak tu keluargana.

HAMALIMON 25:13

Di bagasan taon i, sude arta, barang na dung targadis angkon paulahon tu nampunasa hian.

HAMALIMON 25:55

Nada tola gabe hatoban halak Israel salolot mangolu, angke halak Israel, halak ni Tuhan do i, Tuhan do maroban halahi haruar sian Mesir. Ia do Tuhan Debata ni halahi.