HAMALIMON 25:41 - BIBEL JAMITA NA DENGGAN

⁴¹ Di hatiha i tinggalkononnia dohot angka dakdanaknia ma bagasmu jana mulak ma ia tu koum sisolkotna tu tano na niteannia sian ompungna.

HAMALIMON 25:41 ပူးပေါင်းရင်းမြစ်များ

HARURUAR 21:3

Sugari rupani laing na poso ia di na mamungka gabe hatoban, nada tola obanonnia daborunia i di na malua i ia. Tapi muda na dung marripe hian do ia di na mamungka gabe hatoban, tola ma boanonnia daborunia i.

HAMALIMON 25:10

Songon i ma baen hamu hasurungan ni taon palimapuluhon i, jana paboa haluaan di sude pangisi ni luat on. Salolot ni na pitu taon i, sandok arta teanan na dung targadis angkon paulahon tu nampuna hian sanga tu pomparanna. Sanga ise na dung targadis gabe hatoban, angkon dipaulak tu keluargana.

HAMALIMON 25:28

Tapi dung tuk hepengnia manobus tano i markuaso do halak na manobusi tano i lopus tu taon haluaan na mangihut. Di bagasan taon i paulahon ma tano i tu nampunasa hian.

HAMALIMON 25:40

Tinggal ma ia rap dohot hamu songon sada halak upaan, markarejo ma ia di hamu lopus tu taon haluaan.

HAMALIMON 25:42

Bangso Israel, halak ni Tuhan do i, Ia do na maroban halahi haruar sian Mesir, jana hara ni i ma nada tola gadison halahi songon hatoban.

JOHANNES 8:32

Botoonmunu ma hasintongan i jana paluaon ni hasintongan i ma hamu.”

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.