HAMALIMON 25:25 - BIBEL JAMITA NA DENGGAN

²⁵ Muda gabe miskin sada halak Israel, gabe tarpaksa angkon gadisonnia tanonia, angkon tobusan ni sisolkotnia na sumolkot do tano i.

HAMALIMON 25:25 ပူးပေါင်းရင်းမြစ်များ

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:12

Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 3:9

“Ise dehe ho,” ning ia marsapa. “Si Rut do au, amang!” ninna si Rut mangalusi. “Kahangginami na solkot do ho amang, angkon martanggung jawab do ho di ngolungku. Jadi tama do buatonmu au antong gabe ripemu.”

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

RUT 3:2

Inda he rap markarejo dohot angka dadaboru i ho di ladang ni si Boas? Jadi sisolkotta do anggo si Boas. Antong, tangihon ma! Andospotang on na giot kehe do ia markarejo mamaspas burir-burir.

HAMALIMON 25:24

Muda digadis sabagian tano i, angkon okuan do hak ni nampuna parjolo tola manobus.

HAMALIMON 25:26

Halak na so adong sisolkotna giot manobus tano i, betak tartobus ia sandiri do i di pudi ni ari dung adong disia, dung tuk hepengnia tusi.

RUT 4:3

didok si Boas ma hatania tu bayo kahangginia i, “Ma mulak si Naomi sian Moab. Saonnari giot gadisonnia ma tano bagian ni si Elimelek, kahangginta i.

HAMALIMON 25:47

Umpamana adong ma sahalak bangso sileban rap dohot hamu gabe mamora, hape hamu halak Israel na pogos gabe digadis ia dirinia gabe hatoban tu halak na leban i sanga tu sahalak sisolkot ni bangso sileban i,

HAMALIMON 27:22

Muda dilehen sada halak ladang na baru ditobusi ia tu Tuhan,