HAMALIMON 25:23 - BIBEL JAMITA NA DENGGAN

²³ Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

HAMALIMON 25:23 ပူးပေါင်းရင်းမြစ်များ

PAMUNGKAAN 23:4

“Halak na ro do au di tonga-tongamunu on; loas hamu ma hutobusi tanomunu on anso tarkuburkon au dongan saripengki.”

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

1 RAJA-RAJA 21:3

Dialusi si Nabot ma, “Pusako do kobun anggur i sian angka daompung. Mangasahon Tuhan, nada lehenonku i di tuan i!”

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

2 JUJUR TAON 7:20

gabe paruaronKu ma hamu sian luat na dung Hulehen on tu hamu. Bagas on pe na dung Hutotopkon gabe inganan maribadat tu Au, tinggalkononKu ma. Sanga na di dia pe layasan ma bagas paribadatan on jana gabe sipartataan.”

MASMUR 119:19

Halak na asing do au di portibi, ulang bunihon parentaMu sian au.

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 39:13

Tadingkon ma au, anso marsonang-sonang au, painte kehe au jana gabe soada be.

MASMUR 85:1

Jop do rohaMu ale Tuhan di tanoMu, madung dipasuang Ho parngoluon ni si Jakob.

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 2:22

Dung i ditubuhon si Zipora ma sada anak halaklahi. Dibaen ma goar ni dakdanak i si Gersom, angke ninna roha ni si Musa di bagasan, “Halak na leban do au dison.”

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

JEHESKIEL 48:14

Sanjongkal pe sian tano i nada tola gadison ni halahi sanga tukarkononna; tano na dumenggan sian tano Israel nada tola martukar i tu halak na asing, angke na dung ditontuhon do i gabe hapunjungan ni Tuhan jana gabe nampunaNia.

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.

JOEL 2:18

Jadi mangulahi ma dipareso Tuhan tanoNia i jana dihaholongi Ia bangsoNia.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

HAMALIMON 25:10

Songon i ma baen hamu hasurungan ni taon palimapuluhon i, jana paboa haluaan di sude pangisi ni luat on. Salolot ni na pitu taon i, sandok arta teanan na dung targadis angkon paulahon tu nampuna hian sanga tu pomparanna. Sanga ise na dung targadis gabe hatoban, angkon dipaulak tu keluargana.

HAMALIMON 25:24

Muda digadis sabagian tano i, angkon okuan do hak ni nampuna parjolo tola manobus.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.