HAMALIMON 25:17 - BIBEL JAMITA NA DENGGAN

¹⁷ Ulang tipu donganmu sabangso, tapi habiari ma Tuhan Debatamu.

HAMALIMON 25:17 ပူးပေါင်းရင်းမြစ်များ

PAMUNGKAAN 20:11

Dialusi si Abraham ma, “Na huambang do na so adong na mabiar mida Debata dison, jana ning rohangku bunuon ni halak na dison ma au laho mambuat dongan saripengki.

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

MASMUR 19:9

Dumenggan ma na marsomba tu Tuhan, jana tongtong ma i nikarejoan. Haposan do Tona Ni Tuhan jana salolotna do marhatigoran.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 22:22

Ulang akali na pogos harana bisa mangakali ho, ulang akali halak na so margogo di pangadilan.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

HAMALIMON 19:13

Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin.

HAMALIMON 19:14

Ulang burai na maingol, jana ulang baen sanga aha tu jolo ni halak na mapitung anso tartuktuk ia. Habiari ma Au, Au do Tuhan Debatamu.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

HAMALIMON 25:14

Jadi muda digadis hamu tano tu donganmu sabangso, sanga manobusi tano sian ibana, ulang baen hamu na so tigor disi.

HAMALIMON 25:36

Ulang mangido bunga ni hepeng sian hepeng na nipainjamkonmu tu halak i, tapi angkon habiari hamu ma Debata, jana padiar ma halahi mangolu rap dohot hamu. Ulang muse mambuat labo ho sian sipanganon na nigadismu disia.

HAMALIMON 25:43

Jadi halak Israel na gabe hatobanmu nada tola marpangalaho na kasar ho tusi. Habiari ma Debata.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

BAENON NI ANGKA RASUL 10:2

Halak na mangkabiari Debata do ia jana sude do halahi sabagas sai marsomba tu Debata. Bahat do ditolong ia halak Jahudi na pogos-pogos jana sai martangiang do ia tu Debata.

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

SURAT NI SI PAULUS TU PARLAGUTAN ROM 3:18

Nada adong biar mida Debata di halahi.”

PANGARATAION 25:18

Nada dihabiari halahi Debata, jana gabe dialo halahi do hamu sian pudi, dompak hatiha loja boti abis gogo hamu, gabe dibunu halahi ma angka donganmunu na mardalan di pudi hara ni na so lobassa.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.