HAMALIMON 24:8 - BIBEL JAMITA NA DENGGAN

⁸ Ganop Ari Sabat di sude hatiha na giot ro angkon baenon roti i di Bandar Parmianan Ni Tuhan. Angkon baenon ni bangso Israel songon i ro di salolotna.

HAMALIMON 24:8 ပူးပေါင်းရင်းမြစ်များ

1 JUJUR TAON 23:29

Tanggung jawab ni halahi ma roti sihaulkonon tu Debata, topung na nipake gabe sihaulkonon tu Tuhan, kue na nipis na so marragi, haul na nipanggang, dohot topung na nicampur dohot miak zetun. Angkon laing timbangon dohot suhaton ni halahi do jolo angka haul siobanon tu Bagas Ni Debata.

1 JUJUR TAON 9:32

Angka na sian horong ni si Kehat pasingkopkon roti na rade di Bagas Ni Debata ganop Ari Sabat.

2 JUJUR TAON 13:11

Ganop manyogot dohot potang sai ditutung halahi do dupa jana dihaulkon halahi do haul situtungon di Tuhan, jana dipasingkop halahi do roti di ginjang ni meja. Ganop borngin dipagara halahi do angka lampu di pat ni parlampuan sere. Tongtong do sai hami oloi angka parenta ni Tuhan. Hape anggo hamu, madung manadingkon Ia.

2 JUJUR TAON 2:4

Saonnari au giot mambangun bagas paribadatan na khusus di Tuhan Debatangku. Giot di bagas i ma au dohot rayatku maribadat dohot manutung dupa dohot angka na huskus. Giot tongtong paradeonnami roti na rade diSia. Giot haulkononnami haul situtungon ganop sogot dohot ganop potang, ganop Ari Sabat, Ari Pesta Bulan Na Imbaru dohot di ari na mardohonan na asing i na ditotopkon ni Tuhan Debatanami laho pasangapkon Ia. Na dung diparentahon Ia do i anso patuluson ni halak Israel sapanjangna.

NEHEMIA 10:33

Paradeonnami ma angka haporluan ibadat di Bagas Ni Tuhan, i ma: Roti na badia, haul gandum siganop ari, pahan-pahanan baen haul hasesaan ni dosa ni Israel dohot sude sanga aha na porlu di Bagas Ni Tuhan.

HARURUAR 25:30

Angkon di jolo ni Poti Parjanjian i do baenon meja i, jana di ginjang ni meja i angkon tongtong do adong roti na badia na nisombahon tu Au.”

BILANGAN 4:7

Angkon pahembangon ni halahi muse sada abit na rata langit di ginjang meja inganan ni roti silehenon tu Tuhan i, di ginjang meja i angkon payakkonon pinggan, talam inganan ni hamonyan, talam inganan ni haul dohot mangkuk inganan ni aek ni anggur sihaulkonon. Angkon tongtong do adong roti di meja i.

1 SAMUEL 21:7

Topet muse do hape disi di ari i si Doeg halak Edom, kapala ni parmahan ni si Saul laho patuluskon sada aturan ni ugamo.)