HAMALIMON 24:6 - BIBEL JAMITA NA DENGGAN

⁶ Payakkon ma roti i susun dua baris, onom roti sabaris, di ginjang ni meja na nilampis dohot sere na polin na di adopan ni Bandar Parmianan Ni Tuhan.

HAMALIMON 24:6 ပူးပေါင်းရင်းမြစ်များ

1 RAJA-RAJA 7:48

Disuru si Salomo dope pauli angka parkokas sian sere, na hasaya di Bagas Ni Debata, i ma: Langgatan. Meja ni roti sihaulkonon tu Debata. Sampulu tiang ni lampu di jolo ni Bilik Na Sun Badia, i ma lima di sabola Selatan jana lima di sabola Utara. Bunga-bunga. Angka lampu. Angka gampit-gampit. Angka mangkuk. Parkokas pangintopi ni lampu. Angka sambong. Pinggan pardupaan. Inganan ni banggar. Encel-encel ni pintu ni Bilik Na Sun Badia dohot pintu-pintu parruar ni Bagas Ni Debata.

2 JUJUR TAON 13:11

Ganop manyogot dohot potang sai ditutung halahi do dupa jana dihaulkon halahi do haul situtungon di Tuhan, jana dipasingkop halahi do roti di ginjang ni meja. Ganop borngin dipagara halahi do angka lampu di pat ni parlampuan sere. Tongtong do sai hami oloi angka parenta ni Tuhan. Hape anggo hamu, madung manadingkon Ia.

2 JUJUR TAON 4:19

Disuru Raja Salomo muse dope paulihon angka parkokas na asing sian sere na polin sipakeon di Bagas Ni Tuhan. I ma: Langgatan Angka meja inganan ni roti radean Sude pat ni parlampuan dohot lampuna sian sere na matobang, i ma sipagaraon di jolo ni Bilik Na Sun Badia, hombar tu sangkap hian Angka hiasan na songon bunga Angka lampu Gampit-gampit ni api Pangintopi ni lampu Angka mangkuk Pardupaan Inganan ni banggar Sude pintu ruar ni Bagas Ni Tuhan dohot pintu ni Bilik Na Sun Badia na dilampis dohot sere.

NEHEMIA 10:33

Paradeonnami ma angka haporluan ibadat di Bagas Ni Tuhan, i ma: Roti na badia, haul gandum siganop ari, pahan-pahanan baen haul hasesaan ni dosa ni Israel dohot sude sanga aha na porlu di Bagas Ni Tuhan.

NEHEMIA 10:34

Hami, rayat, angka malim, dohot angka halak Levi, baenonnami ma undi ganop taon laho manontuhon sanga na horong dia na angkon paradehon soban tu angka haul sihaulkonon tu Tuhan Debatanami mangihutkon paraturan ni Uhum.

HARURUAR 25:30

Angkon di jolo ni Poti Parjanjian i do baenon meja i, jana di ginjang ni meja i angkon tongtong do adong roti na badia na nisombahon tu Au.”

HARURUAR 39:36

meja dohot sude panjamaanna dohot roti na nihaulkon tu Debata,

JEHESKIEL 41:22

langgatan sian hayu. Sada satonga meter gincatna jana bidangna sameter. Suhi-suhina, ojahanna dohot dingdingna i sian hayu do dibaen. Didok bayo i ma tu au, “On ma meja na di jolo ni haroroan ni Tuhan.”

1 KORINTUS 14:40

Tapi angkon marsopan jana maraturan do i nibaen sudena.

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.