HAMALIMON 24:3 - BIBEL JAMITA NA DENGGAN

³ Ganop andospotang pagaraon ni si Harun ma lampu i jana padiaron do i gara lopus manyogot di Bandar Parmianan Ni Tuhan di balian ni tire donok tu Poti Parjanjian na di Bilik Na Sun Badia i. Paraturan on angkon patuluson tongtong lopus tu angka ari na ro.

HAMALIMON 24:3 ပူးပေါင်းရင်းမြစ်များ

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HAMALIMON 24:2

“Parentahon ma tu bangso Israel, anso dioban halahi miak zetun na polin jana na dumenggan tu angka lampu na di Bandar Parmianan, anso denggan dipagara.

HAMALIMON 24:4

Angkon pauli-ulion ni si Harun ma lampu i na di tiang lampu na sian sere na polin i. Angkon jagoonnia anso denggan taratur gara lampu i di bagasan Bandar Parmianan Ni Tuhan.”

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

BILANGAN 18:5

Hum ho do Harun dohot anakmu na angkon markarejo di Inganan Na Badia dohot di langgatan, anso ulang gabe marungut-ungut be Au tu bangso Israel.

1 SAMUEL 3:3

jana si Samuel modom di lambung ni Poti Parjanjian ni Tuhan, di Undung-undung Na Badia i. Taran so bincar dope mataniari jana gara dope lampu,