HAMALIMON 24:22 - BIBEL JAMITA NA DENGGAN

²² Mangonai do uhum on tu sude halak Israel, bope tu halak na leban na rap dohot hamu, angke Au do Tuhan Debatamu.”

HAMALIMON 24:22 ပူးပေါင်းရင်းမြစ်များ

HARURUAR 12:49

Dos do aturan tu halak Israel asli dohot tu halak na leban na dung hot rap dohot hamu.”

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

HAMALIMON 24:23

Dung didok si Musa songon i tu halak Israel, dioban halahi ma halak na mamurai Debata tu balian ni parbandaran lalu didangguri halahi dohot batu lopus mate. Songon i ma dibaen halak Israel patuluskon na dung didok Tuhan i tu si Musa.

BILANGAN 15:29

Dos do aturan i mangonai sanga tu ise pe na mardosa so hara ni na niuntil ia, bope halak Israel ia bope halak na leban na maringanan disi.

BILANGAN 9:14

Muda adong halak na leban na rap dohot hamu giot dohot marpesta Paskah, angkon pestahononnia do pesta i mangihutkon paraturan na mardomu tusi. Mangonai do uhum on tu sude jolma, bope halak Israel bope halak na leban.”

PANGARATAION 1:16

Hubaen do di hatiha i karejo ni halahi songon on, ‘Parrohahon hamu ma angka salisi na masa di tonga-tonga ni bangsomunu. Baen hamu ma haputusan na tigor, sanga na mardomu tu bangsomunu sajo parkaro i bope na mardais tu halak na asing na tinggal rap dohot hamu.