HAMALIMON 24:16 - BIBEL JAMITA NA DENGGAN

¹⁶ jana mate uhumon. Sanga ise, halak Israel pe sanga halak na leban na tinggal rap dohot Israel, muda diburai ia Tuhan, angkon dangguran ni halak na bahat i ma ia dohot batu lopus mate.

HAMALIMON 24:16 ပူးပေါင်းရင်းမြစ်များ

2 SAMUEL 6:2

Dioban ia ma halahi tu Baale-Juda laho mangalap sian i Poti Parjanjian na digoari marhite goar ni Tuhan Na Markuaso na marhabangsa di ginjang ni angka kerub.

MASMUR 139:20

Dipardokkoni halahi do angka pangalaho na jahat taringot tu Ho, jana ditilakoi halahi goarMu.

MASMUR 74:10

Intap ni andigan do, ale Debata, musu on sai mangincaki Ho? Sapanjangna noma he layasan ni halahi goarMi?

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

HARURUAR 20:7

Ulang dokkon goar ni Tuhan Debatamu, di na so dalanna, dibaen uhumon ni Tuhan do halak na mandok goarNia di na so dalanna.

HARURUAR 22:28

Ulang burai hamu Debata jana ulang pasumpahon pamimpin ni bangsomu.

HAMALIMON 20:2

mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.

MATEUS 12:31

Hara ni i, Hudok ma tu hamu, sude dosa dohot hata na jat na nipardok ni halak, tarsesa do i! Tapi anggo hata na mangincahi Tondi Parbadia nada tarsesa i!

MATEUS 26:66

Saonnari bia ma pandapotmunu?” Dialusi halahi ma, “Angkon ni pamate ma Ia.”

MARKUS 14:64

Madung sude hamu sandiri umbege hataNia na jahat i. Saonnari, aha ma haputusanna?” Sude halahi mamutuskon bahaso marsala Jesus. Patut mate uhumon.

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

BAENON NI ANGKA RASUL 26:11

Jotjot do huparkanciti halahi di angka bagas paribadatan, jana hupaksa halahi mansoadahon na nihaporsayaan ni halahi. Hara ni goyak ni rohangku paida-ida halahi, hukojar-kojar do halahi lopus tu kota na asing.”

BAENON NI ANGKA RASUL 7:58

Disarat halahi ma ia tu balian ni kota i, jana didangguri dohot batu. Dipatiopkon halak na manyaksihon i ma pakean ni halahi tu sada doli-doli na margoar si Saulus.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

JAKOBUS 2:7

Nada he halahi do na pabilehon Goar na sangap na marhite i hamu gabe nampuna ni Debata!