HAMALIMON 23:5 - BIBEL JAMITA NA DENGGAN

⁵ Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

HAMALIMON 23:5 ပူးပေါင်းရင်းမြစ်များ

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

JEHESKIEL 45:21

Di tanggal opat bolas bulan sada, angkon pestahononmunu do Pesta Paskah. Pitu ari honokna angkon mangan roti na so marragi sude halak.

MATEUS 26:17

Ari parjolo dung dapot hatihana Parningotan Ni Roti Na So Marragi, ro ma angka anak siseanNia i mandapotkon Jesus. Disapai halahi ma tuSia, “Di dia do dipangido rohamu Tuhan mangankon sipanganon Paskah i? Anso hami parade.”

MARKUS 14:12

Ari parjolo di Ari Pesta Ni Roti Na So Marragi, didapotkon angka siseanNia i ma Jesus. Somalna di na sadari i ma disambol halak biri-biri Paskah. Jadi disapai angka siseanNia i ma Jesus, “Di dia do dipangido rohaMu paradeonnami panganon Paskah di Ho?”

LUKAS 22:7

Dapot ma arina parningotan di Roti Na So Marragi angkon nisambol ma biri-biri Paskah.

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.