HAMALIMON 23:32 - BIBEL JAMITA NA DENGGAN

³² Di hatiha mamungka lusut mataniari di tanggal sambilan bulan i lopus tu na lusut mataniari di tanggal sampulu angkon pestahononmunu gabe ari paradianan na nitotopkon. Angkon marpuaso sadari i nada tola mangankon sipanganon saotik pe.”

HAMALIMON 23:32 ပူးပေါင်းရင်းမြစ်များ

NEHEMIA 13:19

Jadi gabe huparentahon ma, anso ganop bona ni Ari Sabat, i ma Ari Jumahat borngin, manigor ditutup angka pintu horbangan dung andospotang jana nada tola bukaon salolot so salpu Ari Sabat di Sabtu borngin. Hubaen sanga na piga halak anak bua i di angka pintu horbangan laho manjago anso ulang adong barang sigadison dioban masuk tu bagasan kota i di Ari Sabat.

MASMUR 35:13

Dompak marnyae halahi, marsak do au jana nada mangan, martangiang au lalu paunduk simanjujung,

MASMUR 51:17

Anggo haul na tabo di Ho, ale Debata, i ma roha na magopu, roha na unduk jana na muba nada ditulak Ho.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

HAMALIMON 16:29

“Angka aturan on pe angkon patuluson tu zaman na giot ro sapanjangna. Di ari sampulu bulan pitu, sude halak Israel dohot angka halak na leban na rap dohot halahi, angkon marpuaso do jana nada tola mangkarejohon sanga aha pe, angke ari na sun badia do ari i. Di ari i angkon baenon do pesta paiaskon bangso Israel sian sude dosa ni halahi, anso ias halahi mangihutkon aturan ni ugamo.

HAMALIMON 23:31

Marlaku do paraturan on tu anak dohot pahompumunu marsundut-sundut sanga di dia halahi maringanan.

HAMALIMON 23:33

“Ari Pesta Undung-undung Bulung Rata mamungka sian tanggal lima bolas bulan pitu honokna pitu ari.

MATEUS 5:4

Martua ma halak na marsak roha; angke na giot apoan do roha ni halahi.

1 KORINTUS 11:31

Tapi muda jolo tapareso dirinta, nada pola uhumon ni Debata hita.

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.

IBRANI 4:3

Tapi anggo taringot tu hita na mangkaporsayai Debata, dilehen do paradianan, i ma na nijanjihon ni Debata i. Jana sauduran do i tu na nidok ni Debata songon on, “Muruk do Au jana Husumpahon do, na so tola halahi masuk tu inganan na giot lehenonKu hian tu halahi gabe inganan paradianan!” Didok Debata dope songon i haru pe madung sidung karejoNia mamungka sian na manompa portibi on.