HAMALIMON 23:3 - BIBEL JAMITA NA DENGGAN

³ Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

HAMALIMON 23:3 ပူးပေါင်းရင်းမြစ်များ

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:29

Ingot ma, Au, Tuhan, madung Hulehen di hamu sada ari anso maradian. Hara ni i ma da dibaen na Hulehen di ari paonomkon i sipanganon tu dua ari. Di ari papituhon i sude jolma angkon tinggal di bagas, ulang haruar.

HARURUAR 16:30

Jadi di ari papituhon i nada markarejo be halak.”

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HARURUAR 34:21

Onom ari ma lolotmu diloas markarejo, tapi anggo di ari papituhon angkon maradian do jana di hatiha ni pangkuron pe sanga di sabion angkon laing pasangaponmu do ari paradianan i.

JESAYA 56:2

Martua ma halak na mandalankon i, dohot Anak Ni Jolma na marojahan tusi: Na marningot Ari Sabat jana nada dilaosi ari i, dohot na mangorom dirina tu hajahatan.”

JESAYA 56:6

Tu angka halak na asing na dung masuk etonganna tu bangso ni Tuhan, na manghaholongi jana na mangoloi Tuhan, na pasangapkon Ari Sabat jana setia tu parjanjianNia, didok Tuhan do,

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

LUKAS 13:14

Muruk ma kapala ni bagas paribadatan i, hara ni na nipamalum ni Jesus halak di Ari Sabat. Didok ia ma tu angka halak na disi, “Onom ari honokna markarejo hita, marroan ma di angka ari i na giot sipamalumon, ulang ma hatiha di Ari Sabat!”

LUKAS 23:56

Dung i mulak ma halahi, dipature halahi ma angka parmasak dohot miak na huskus silapuhonon tu bangke ni Jesus. Ancogotna i, di Ari Sabat, maradian be ma halahi markarejo mangoloi angka Tona ni ugamo Jahudi.

BAENON NI ANGKA RASUL 15:21

Harana anggo angka Tona Ni si Musa, madung dibaca i sian nabaruon ganop Ari Sabat di angka bagas paribadatan, jana nijamitahon di ganop kota.”

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.