HAMALIMON 23:28 - BIBEL JAMITA NA DENGGAN

²⁸ Nada tola karejo di ari i, angke di ari i do upacara manyesa dosa.

HAMALIMON 23:28 ပူးပေါင်းရင်းမြစ်များ

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HAMALIMON 16:33

lalu mandalankon upacara laho paiaskon Bilik Na Sun Badia dohot bagian na asing na masuk tu Bandar Parmianan Ni Tuhan, dohot langgatan bope angka malim dohot sude rayat di Israel.

HAMALIMON 16:34

Pesta on angkon baenon sanoli sataon laho paiaskon Israel sian dosa ni halahi. Songon i ma angka aturan na nigoaran i angkon patuluson ro di salolot-lolotna.” Si Musa pe dikarejohon ia ma songon na dung diparentahon ni Tuhan i.

ZAKARIA 3:9

Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 10:14

Jadi sian haul na sada i, gabe sanggam ma dibaen Kristus sudena halak na nipaias sian dosana salolot-lolotna.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

1 JOHANNES 5:6

Ia do naro i markite-hite aek dohot mudar, i ma Jesus Kristus, nada hum markite aek sajo, tapi markite-hite aek dohot mudar. Jana Tondi do na mangalehen hasaksian, angke Tondi i do hasintongan.