HAMALIMON 23:21 - BIBEL JAMITA NA DENGGAN

²¹ Di ari i nada tola karejohononmunu sanga aha pe, angkon marlagut do hamu pasangap Au. Angkon patuluson ni pomparanmu do paraturan on sapanjangna sanga di dia pe hamu maringanan.

HAMALIMON 23:21 ပူးပေါင်းရင်းမြစ်များ

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

HAMALIMON 23:14

Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.

HAMALIMON 23:2

angka aturan on taringot tu Ari Pesta Ugamo. “Di angka ari i angkon marlagut halak Israel laho pasangapkon Au.

HAMALIMON 23:20

Roti dohot anak ni biri-biri na dua i dihaulkon malim ma i gabe silehen-lehen na mardohonan tu Tuhan, gabe malim i nampunasa. Na badia do angka na dihaulkon i.

HAMALIMON 23:25

Lehen hamu ma haul sipanganon tu Tuhan jana nada tola mangkarejohon sanga karejo aha pe.

HAMALIMON 23:31

Marlaku do paraturan on tu anak dohot pahompumunu marsundut-sundut sanga di dia halahi maringanan.

HAMALIMON 23:4

Di hatiha na dung ditontuhon angkon umumkononkon do angka ari pesta on.”

HAMALIMON 23:7

Salolot pitu ari angkon lehenonmunu haul sipanganon tu Tuhan. Di ari parjolo dohot ari papituhon pesta i, angkon marlagut do hamu pasangap Au jana nada tola karejohononmunu sanga aha pe.

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

BILANGAN 18:23

Mamungka saonnari, hum halak Levi do na tola mangurus Bandar ParmiananKu, bope mamorsan tanggung jawab na gok hara ni karejo i. Aturan i mardalan do i tu pomparanmu ro di salolotna. Nada adong siteanon ni halak Levi di Israel,

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.