HAMALIMON 23:17 - BIBEL JAMITA NA DENGGAN

¹⁷ Ganop ripe angkon maroban duakamata roti silehenon gabe silehen-lehen na mardohonan tu Tuhan. Ganop roti i nipauli sian dua kilo gram topung na marragi jana nilehen ma i tu Tuhan gabe haul gandum na parjolo na giot sabion.

HAMALIMON 23:17 ပူးပေါင်းရင်းမြစ်များ

NEHEMIA 10:37

Obanonnami ma tu angka malim di Bagas Ni Tuhan adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 23:16

Pestahon hamu ma Pesta Gotilon di na mamungka mambuat patumonaan ni suha ni suan-suananmunu hamu. Pestahon hamu ma dohot Pesta Bandar Bulung-bulung ganop ujung ni taon di na mamutik suha ni kobun anggur sanga kobun suan-suanan na marbatu hamu.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 34:22

Angkon pagodangonmu do Pesta Gotilon di na mamungka hamu mambuat patumonaan ni suha ni eme. Laing pestahon hamu ma Ari Pesta Undung-undung Bulung Rata marayak ujung ni taon di ari palimapuluhon i.

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

HAMALIMON 2:12

Deba sian gandum na nisabi parjolo ganop taon, angkon obanonmunu sisombahonon tu Tuhan. Nada situtungon gandum i di ginjang ni langgatan.

HAMALIMON 23:18

Rap dohot roti i, angkon lehenon ni halak na bahat i ma pitu biri-biri marumur sataon, sada lombu jantan dohot dua hambeng. Sudena i nada tola na martihas. Sude pahan-pahanan i lehenon ma i gabe haul situtungon tu Tuhan, rap dohot haul gandum dohot haul aek ni anggur. Uap ni haul i ma na pajop roha ni Tuhan.

HAMALIMON 7:13

Songon tambana angkon pasahaton muse roti na marragi.

BILANGAN 15:17

Didok Tuhan muse ma tu si Musa

BILANGAN 18:12

Hulehen di ho sude na dumenggan sian suha ni tano parjolo na dihaulkon halak Israel di Au ganop taon, miak zetun, aek ni anggur dohot gandum.

BILANGAN 18:13

Sudena i gabe bagianmu. Sude halak di bagas i na dung ias mangihutkon ugamo, tola dohot mangankonsa.

BILANGAN 28:26

“Di ari parjolo di Pesta Gotilon di hatiha mangalehen sabagian sian gandum na nisabi parjolo tu Tuhan, angkon marpungu do hamu maribadat, jana nada tola mangkarejohon barang aha pe.

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

1 KORINTUS 15:20

Hape anggo satutuna madung dipangolu mangulahi Kristus sian hamatean, songon siangkaan sian angka halak na dung mate. Jana on ma jaminanna, paboa na pangoluon do mangulahi angka jolma na dung marmatean i.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.