HAMALIMON 22:9 - BIBEL JAMITA NA DENGGAN

⁹ Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

HAMALIMON 22:9 ပူးပေါင်းရင်းမြစ်များ

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

HAMALIMON 16:13

Di jolo ni Tuhan angkon baenonnia hamonyan i tu bagasan api. Digohi timus i ma tutup ni Poti Parjanjian i, anso ulang tarpaida si Harun – angke, muda diida ia i, mate noma ia.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 18:30

Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”

HAMALIMON 22:16

marhite na padiarkon sada-sada halak na so patut mangankon sian haul i. Halak na sala do songon i jana angkon uhumon. Au do Tuhan jana Au do pabadiahon angka haul i.”

BILANGAN 18:22

Angka halak Israel na asing i nada tola donok tu Bandar Parmianan ulang gabe patunda ni i ro uhum hamatean tu halahi.

BILANGAN 18:32

Nada pola sala hamu muda dipangan hamu i, asal ma na dung dihaulkon hamu bagian na dumenggan i tu Tuhan. Tapi nada tola paramunon silehen-lehen na badia ni halak Israel marhite na mangan aha sajo sian i, taran so dihaulkon na dumengganna i tu Au. Muda dilanggar hamu parenta on angkon mate uhumon hamu.”

MATEUS 23:17

Na oto do hamu, angka na mapitung ma antong! Dia do ummarga sere i ulang pado Bagas Ni Debata na paiaskon sere i?

PANGARATAION 11:1

“Haholongi hamu ma Tuhan Debatamunu jana setia ma hamu mangoloi sude parentaNia.