HAMALIMON 22:8 - BIBEL JAMITA NA DENGGAN

⁸ Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

HAMALIMON 22:8 ပူးပေါင်းရင်းမြစ်များ

HARURUAR 22:30

Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

HARURUAR 22:31

Angkon badia do hamu di jolongKu, jadi ulang pangan hamu juhut ni binatang bagi aha pe na nisoro ni binatang panyoro, tapi tu anjing ma lehen hamu juhutna i.”

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

JEHESKIEL 44:31

Unggas dohot angka binatang na asing i na mate sandiri, nada tola panganon ni angka malim.”

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 7:24

Tabo-tabo sian bangke ni binatang, sanga na nisoro ni binatang panyoro, nada tola panganon, tapi tarpake do i tu angka haporluan na asing.

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”