HAMALIMON 22:4 - BIBEL JAMITA NA DENGGAN

⁴ Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

HAMALIMON 22:4 ပူးပေါင်းရင်းမြစ်များ

HAMALIMON 11:39

Muda dais halak tu bangke ni binatang na halal, gabe ramun ma ia lopus tu andospotang.

HAMALIMON 15:17

Sanga barang aha sajo pe sian abit sanga bobak hadabuan ni samena i, angkon basuon; ramun do barang i lalu tu andospotang.

HAMALIMON 2:10

Na lobi sian haul i, i ma bagian ni angka malim. Na badia do roti i, angke na nibuat sian sipanganon na dung nihaulkon tu Tuhan.

HAMALIMON 2:3

Na lobi sian haul gandum i, i ma bagian ni malim. Na badia do gandum i, angke na nibuat sian panganon na dung nihaulkon tu Tuhan do i.

HAMALIMON 21:1

Disuru Tuhan ma si Musa pabolkaskon parenta on tu angka malim sian pomparan ni si Harun, “Sada halak malim, nada tola paramunkon dirina hara ni na mandohoti adat mananom sisolkotnia,

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAGAI 2:13

Dung i marsapa ma si Hagai mangulahi, “Sugari rupani adong sada halak na gabe hodar hara ni na dais ia tu bangke, dung i dais muse ma ia tu sada sian sipanganon nangkin, gabe dohot dehe sipanganon i hodar muse?” Dialusi angka malim i ma, “Olo, antong!”

BILANGAN 18:19

Ro di salolot-lolotna, sude silehen-lehen na mardohonan na nioban ni halak Israel di Au, Hulehen di ho dohot di angka anakmu halaklahi dohot dadaboru. Songon sada pudun-pudun ni parjanjian na so tola digotap antara Au dohot ho bope pomparanmu.”

BILANGAN 18:9

Sian angka silehen-lehen na lobi badia na so pola situtungon di langgatan, bagianmu ma i. Haul gandum, haul hasesaan ni dosa dohot haul gonti ni rugi. Barang aha pe na dihaulkon tu Au gabe haul na badia, i ma bagianmu dohot bagian ni angka anakmu.

BILANGAN 19:20

Sanga ise na ramun hape nada dibaen ia upacara haiason i, disi tongtong do ia ramun dibaen nada disiram dope ia dohot aek na mardomu tusi. Madung diramuni ia Bandar Parmianan Ni Tuhan jana nada etongon be ia sahalak sian bangso ni Debata.