HAMALIMON 22:16 - BIBEL JAMITA NA DENGGAN

¹⁶ marhite na padiarkon sada-sada halak na so patut mangankon sian haul i. Halak na sala do songon i jana angkon uhumon. Au do Tuhan jana Au do pabadiahon angka haul i.”

HAMALIMON 22:16 ပူးပေါင်းရင်းမြစ်များ

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

HARURUAR 28:38

Angkon pasangon ni si Harun do parhiasan sere i di bohinia anso ra Au Tuhan manjagit sude haul na nioban ni halak Israel tu Au, haru pe umpamana madung adong saotik na sala dibaen halahi.

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

HAMALIMON 20:8

Patulus ma aturan na sian Au angke Au do Tuhan, na papunjungkon hamu baen di Au.”

HAMALIMON 21:15

Muda dibaen ia songon i, sude anaknia na badia hian, gabe ramun noma. Au do Tuhan jana na dung Hutodo do ia gabe Malim Godang.”

HAMALIMON 21:23

Hara ni na adong tihas ni pamatangna gabe nada tola donok ia tu tire na badia, sanga mandonohi langgatan i. Nada tola ramun baenonna angka barang na dung gabe hapunjunganKi, angke Au do Tuhan jana Au do paasingkon barang-barang i.”

HAMALIMON 21:8

Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

HAMALIMON 22:17

Disuru Tuhan ma si Musa

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

HAMALIMON 7:18

Tapi anggo laing dipangan muse dope lobina i, nada dijagit Debata haulna i. Nada gabe pasupasu haul i di halakna i, tapi na haram do i etongon. Sanga ise mangankon haul na haram, angkon manaon hara ni hasalaanna sandiri.

BILANGAN 18:1

Didok Tuhan ma tu si Harun, “Ho Harun, dohot angka anakmi, bope angka halak Levi angkon tanggungonmunu do patunda ni angka hasalaan barang aha pe na mardomu dohot panghobasion di Bandar ParmiananKu tapi hum ho dohot anakmu sajo do na mananggung patunda ni karejo hamalimon.

BILANGAN 18:32

Nada pola sala hamu muda dipangan hamu i, asal ma na dung dihaulkon hamu bagian na dumenggan i tu Tuhan. Tapi nada tola paramunon silehen-lehen na badia ni halak Israel marhite na mangan aha sajo sian i, taran so dihaulkon na dumengganna i tu Au. Muda dilanggar hamu parenta on angkon mate uhumon hamu.”

MATEUS 23:17

Na oto do hamu, angka na mapitung ma antong! Dia do ummarga sere i ulang pado Bagas Ni Debata na paiaskon sere i?

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.