HAMALIMON 22:10 - BIBEL JAMITA NA DENGGAN

¹⁰ Haul na mardohonan di Au, hum sabagas ni malim i do tola mangankon, halak na asing nada tola, haru pe sabagas halahi sanga parkarejo ni malim.

HAMALIMON 22:10 ပူးပေါင်းရင်းမြစ်များ

ESRA 2:63

Dilarang gubernur ni Juda ma halahi mangankon sipanganon na dipasahat tu Debata, lopus adong sada halak malim na tarbaen mangido panogu-noguon marhite na mamake Urim dohot Tumim.

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

HARURUAR 12:45

Halak na ro sanga halak pangomo na nigaji nada tola dohot mangankon.

HARURUAR 29:33

Angkon panganon ni halahi do sipanganon na nihaulkon di upacara panyesaan ni dosa di pangangkatan ni halahi gabe malim. Hum malim sajo do na tola mangankon sipanganon on, hara ni na dung diparbadiai i.

JEHESKIEL 44:8

Indada be halahi na mangatur angka upacara na badia di bagasan BagasKi, tapi angka halak sileban na nitugaskon ni halahi i noma mandalankon.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAMALIMON 22:13

Tapi boru ni malim na dung marando sanga na disirangkon tapi nada adong anakna, jana madung mulak tu bagas ni amangna jana ngolunia margantung tu halahi tola do mangankon sanga aha pe na nijagit ni amangna sian hamalimon. Hum sabagas ni malim i do na tola mangankon haul sisongon i.

BILANGAN 3:10

Si Harun dohot angka anaknia, angkatonKu ma i mangkarejohon hamalimon; sanga ise na manguji giot mangkarejohon songon i angkon mate uhumon.”

MATEUS 12:4

Masuk do ia tu Bagas Ni Debata. Dipambuati ia dohot dongannia i roti na nihaulkon tu Debata. Na so tola hian do ia bope dongannia mangankon i. Hum malim do na tola mangankon i.

1 SAMUEL 21:6

Dung i dilehen malim i ma roti haul i tu si Daud, angke hum roti na dung dihaulkon tu Debata do adong disia, jana dibuat ma i sian langgatan anso digonti dohot roti na imbaru. (

1 SAMUEL 21:7

Topet muse do hape disi di ari i si Doeg halak Edom, kapala ni parmahan ni si Saul laho patuluskon sada aturan ni ugamo.)