HAMALIMON 21:9 - BIBEL JAMITA NA DENGGAN

⁹ Muda gabe siboru jalang do dadaboru ni sada malim, na palayas amangna do i, angkon mate tutungon do halakna i.

HAMALIMON 21:9 ပူးပေါင်းရင်းမြစ်များ

PAMUNGKAAN 38:24

Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

HARURUAR 31:14

Angkon pasangapanmunu do Ari Sabat, angke ari na badia do i di hamu; sanga ise mangalanggar habadiaan ni Ari Sabat i, simatehonon noma i; angke sanga ise na mambaen karejo di ari i, siagohononkon do i sian tonga-tonga ni bangsomunu.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JEHESKIEL 9:6

Bunu hamu ma sude halaklahi dohot dadaboru, na matobang dohot na poso, na marsaripe dohot dakdanak. Tapi ulang hahua hamu anggo na mamake tanda di bohina. Jadi pungka hamu ma sian on, sian inganan na badiangKu.” Jadi dipungka halahi ma karejo i, dibunu halahi ma angka pamimpin ni Israel na topet marjongjongan di Bagas Na Badia i.

HAMALIMON 19:29

Ulang patoruk sangap ni angka dadaboru mambaen halahi gabe siboru jalang di angka inganan parsombaan ni debata sileban. Muda dibaen hamu songon i, gabe sombaonmunu ma angka debata sileban i, gabe bahat ma karejo na so tupa di luatmu.

HAMALIMON 20:14

Muda adong sada halaklahi mardadaboruhon sada dadaboru dohot inang ni dadaboru i angkon mate tutungon halahi na tolu. Angke mangkarejohon karejo na so patut do halahi. Pangalaho na songon i nada tola adong ditonga-tongamunu.

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.

JOSUA 7:15

Dung i halak na hutudu jana torang manyimpan angka barang na so tola i, angkon ditutung abis rap dohot sude dongan sabagasna maradu sude sinadonganna; angka i ma halakna na mangalaosi Poti Parjanjian ni Tuhan i jana na parohon habilean na godang tu halak Israel.”

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.

1 SAMUEL 2:17

Songon i ma anak ni si Eli na dua i mardosa godang di adopan ni Tuhan, hara ni na so adong be sangap ni halahi tu haul na nihaulkon tu Tuhan.

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.