HAMALIMON 21:8 - BIBEL JAMITA NA DENGGAN

⁸ Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

HAMALIMON 21:8 ပူးပေါင်းရင်းမြစ်များ

NEHEMIA 13:29

Martangiang ma au, “Ale Debatangku, ingot ma sanga na bia dibaen halahi pahodarkon jabatan hamalimon i jana ingot ma parjanjianna dohot angka malim bope dohot angka halak Levi!”

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

HARURUAR 19:14

Dung i manuat ma si Musa sian dolok i, jana ditonahon ia ma tu bangso i anso marhobas laho maribadat. Marsibasu pakeanna ma halahi.

HARURUAR 28:41

Papakehon ma pakean i tu angkangmu si Harun dohot tu angka dakdanaknia i. Miahi ma halahi dohot miak zetun; jadi sah ma halahi gabe malim jana dipasahat laho mangoloi Au.

HARURUAR 29:1

“Songon on ma carana baenon pabadiahon si Harun dohot angka dakdanaknia anso tarbaen halahi mangoloi Au songon malim. Buat ma sada lombu jantan na poso dohot dua biri-biri jantan na so martihas.

HAMALIMON 19:2

pabolkaskon tu bangso Israel, parenta na songon on, “Angkon badia do hamu, harana Au, Tuhan Debatamunu na badia do.

HAMALIMON 21:6

Au do nampuna jana mamili ia, hara ni i nada tola palayasonnia goarKu. Ia do na pasahatkon sipanganon di Au, hara ni i angkon badia do ia.

HAMALIMON 22:16

marhite na padiarkon sada-sada halak na so patut mangankon sian haul i. Halak na sala do songon i jana angkon uhumon. Au do Tuhan jana Au do pabadiahon angka haul i.”

HAMALIMON 3:11

Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

MALEAKI 1:7

Songon on ma da dibaen hamu palayaskon Au. Dihaulkon hamu do sipanganon na so patut sihaulkonon di ginjang ni langgatanKu. Dung i disapai hamu ma, ‘Bia ma he hami baen na so hami parsangapi Ho?’ Hudok ma: Nayang do di rohamunu langgatanKi.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.