HAMALIMON 21:10 - BIBEL JAMITA NA DENGGAN

¹⁰ Malim Godang na dung tarpili do i di Debata mangkarejohon hamalimon. Di na mangangkat i dirasmihon do i marhite na mangusehon miak na badia tu ginjang uluna jana pamasuk pakean ni malim disia. Hara ni i nada tola padiaronnia obuknia nada nisuri sanga manyuakkon pakeannia laho paboahon marsaknia.

HAMALIMON 21:10 ပူးပေါင်းရင်းမြစ်များ

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

ESTER 6:12

Dung i mulak ma si Mordehai tu pintu horbangan ni bagas godang i. Tapi anggo si Haman diompoti ia noma mulak. Nada ringkot rohania diida halak hara ni santakna ila ni rohania, jadi gabe ditutupi ia ma bohinia i.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

MASMUR 133:2

Tudos do i tu miak na huskus na diduruskon tu ulu ni si Harun. pola mijur maneteki tu jubana.

HARURUAR 29:7

Jadi buat muse miak na badia, duruskon ma i di ginjang ni ulunia jana miahi ma ia.

JEHESKIEL 24:17

Ulang jabat tarbege partangismu. Ulang be mardalan na so mamake tutup ni ulu sanga na so marlapik patmu, songon halak na di bagasan siluluton. Ulang tutupi muse bohimu jana ulang pangan roti siluluton.”

HAMALIMON 13:45

Sahalak na hona kusta na jorbut i, angkon pakean na masuak-suak do pakeonnia jana padiaron obukna nada nisuri, angkon tutuponnia do di toru ni bohina jana marsurak-surak mandok: “Ramun, ramun!”

HAMALIMON 16:32

Malim Godang na dung nitontuhon jana na nipili ni Debata laho manggonti amana angkon patuluskon karejo haiason i. Angkon pakeonnia pakean ni malim,

HAMALIMON 4:3

Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

HAMALIMON 8:12

Dung salpu i diojakkon ia ma si Harun marhite na mangusehon miak upacara i saotik tu ginjang ulu ni si Harun.

BILANGAN 35:25

Halak na mamunu na so disangajo i, angkon ondingan ni halak na bahat do i sian pamaloson ni sisolkot ni na mate i. Angkon obanon ma halahi mulak tu kota haporusan, inganan haporusannia. Tinggal ma ia disi lopus mate malim godang na di kota i.

MATEUS 26:65

Dung i disibakkon Malim Godang i ma pakeanNia. Didok Ia ma, “Mangalayasi do on! Inda porlu be saksi. Ma dibege hamu sudena hataNia na mangalayasi i.