HAMALIMON 20:8 - BIBEL JAMITA NA DENGGAN

⁸ Patulus ma aturan na sian Au angke Au do Tuhan, na papunjungkon hamu baen di Au.”

HAMALIMON 20:8 ပူးပေါင်းရင်းမြစ်များ

HARURUAR 31:13

paboahon tu bangso Israel, “Pagodang hamu ma Ari Sabat i, ari na dung Hutotopkon songon Ari Paradianan. Ari i ma na gabe tanda ni parjanjianKu dohot hamu ro di pinomparmunu, anso diboto hamu, Au do Tuhan na mambaen hamu gabe bangsongKu sandiri.

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

JEHESKIEL 37:28

Jadi muda dung ditonga-tonga ni halahi inganan na badiangKu salolot-lolotna, gabe botoon ni angka bangso na asing ma Au Tuhan, madung manodo Israel gabe bangsongKu sandiri.”

HAMALIMON 19:19

Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.

HAMALIMON 19:37

Ihutkon ma sude aturan dohot parentangKu, Au do Tuhan.”

HAMALIMON 20:26

Madung Hupaasing hamu sian angka bangso na asing, anso gabe hum Au sajo nampuna hamu. Angkon badia do hamu angke Au do Tuhan, jana na badia do Au.

HAMALIMON 21:8

Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

HAMALIMON 22:32

Ulang pahodar hamu goarKu na badia i. Sude halak Israel angkon mangoku na badia do Au. Au do Tuhan na pabadia hamu.

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 23:17

Na oto do hamu, angka na mapitung ma antong! Dia do ummarga sere i ulang pado Bagas Ni Debata na paiaskon sere i?

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.