HAMALIMON 20:20 - BIBEL JAMITA NA DENGGAN

²⁰ Muda adong sada halak laho markarosuan dohot dadaboru ni kahanggi ni amangna na pailahon kahanggi ni amangnia i do i. Halaklahi i dohot dadaboru i angkon rap hona uhum, mate so dapotan anak halahi na dua.

HAMALIMON 20:20 ပူးပေါင်းရင်းမြစ်များ

JOB 18:19

Anak soada, pomparan pe so bagi aha be; di hutana sandiri pe kahanggi nada adong be.

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”

HAMALIMON 18:14

Ulang ho marcampur dohot dadaboru ni udamu, sanga inangtuamu, angke inangmu do i.

HAMALIMON 20:21

Muda dipardadaboru sada halak dadaboru ni angkangna, angkon mate halahi taran so mardakdanak. Madung dikarejohon ia karejo na so patut jana palayas angkangna.”

LUKAS 1:25

Didok ia ma, “Ujungna hape ditolong Tuhan do au jana dibuat Ia habileanku.”

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.

LUKAS 23:29

Angke na ro ma hatihana dokkonon ni halak ma, ‘Martua ma angka dadaboru na so jungada maruntungan, na so unjung mangae mardakdanak jana na so jungada pasusuhon dakdanak!’