HAMALIMON 20:2 - BIBEL JAMITA NA DENGGAN

² mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.

HAMALIMON 20:2 ပူးပေါင်းရင်းမြစ်များ

1 RAJA-RAJA 11:7

Di ginjang ni dolok na di Habincaran ni Jerusalem i, dipajongjong ia do inganan parsombaan tu Kamos, debata ni Moab dohot tu Molok debata ni bangso Amon – na nihagigihon do debata na dua i.

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

2 JUJUR TAON 33:6

Dipelehon ia do angka dakdanaknia gabe haul situtungon di Rura Hinom. Dipadalan ia muse do pangalaho hadatuon, na martondung, aji, dohot na mangido panogu-noguon tu angka sumangot. Mardosa situtu do ia tu Tuhan jabat dipagurgur ia muruk ni Tuhan.

MASMUR 106:38

Dibunu halahi angka halak na so marsala, anak ni halahi sandiri i ma na giot dihaulkon tu debata ni Kanaan, hara ni pamunuon i gabe hodar ma tanona.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEHESKIEL 20:26

Hupadiar noma halahi pahodar dirina marhite haul ni halahi sandiri, salang angka anak siangkaan ni halahi dipelehon halahi. Songon i ma Hubaen manguhumi halahi anso diboto halahi Au do Tuhan.

JEHESKIEL 20:31

Jana lopus tu sadari on pe dipahodar hamu do dirimunu marhite na maroban pelean dohot na manutungi angka dakdanakmunu baen haul tu angka gana-ganaan i. Antong laing puluk dope he hamu mangido panogu-noguon tu au? Hara ni Au na mangolu, Tuhan Debata, nada Huloas hamu mangido panogu-noguon sian Au.

JEHESKIEL 23:37

Marhamainan do halahi dohot mamunu jolma; madung marhamainan halahi dohot angka gana-ganaan jana dibunu halahi angka dakdanakKu na nitubuhon ni halahi, madung dipelehon halahi angka dakdanak i tu angka gana-ganaan ni halahi.

JEHESKIEL 23:39

Di angka ari disi dibunu halahi angka dakdanakKu jana dipelehon halahi tu angka gana-ganaan, ro ma sidua halak na martinadohon i tu inganan na badiangKu lalu pahodarkonsa!

HAMALIMON 17:13

Muda adong sahalak sian Israel sanga sahalak sian halak na leban na dung lolot rap dohot halak Israel, manangkup binatang sanga unggas na so haram marhite na marburu, angkon padiaronnia mabaor mudarna i tu tano jana ditutup ia dohot tano.

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 17:8

Muda adong sahalak sian Israel sanga halak na leban na dung honok rap dohot halak Israel, pasahatkon haul situtungon, bope haul na asing

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

HAMALIMON 20:1

Disuru Tuhan ma si Musa

HAMALIMON 20:27

Ganop halaklahi sanga dadaboru na mambaen pardomuan dohot tondi ni angka na mate, angkon dangguran dohot batu lopus mate. Hamamate ni halak na mambaen songon i, hara ni hasalaan ni halahi sandiri do i.”

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

HAMALIMON 24:16

jana mate uhumon. Sanga ise, halak Israel pe sanga halak na leban na tinggal rap dohot Israel, muda diburai ia Tuhan, angkon dangguran ni halak na bahat i ma ia dohot batu lopus mate.

HAMALIMON 24:23

Dung didok si Musa songon i tu halak Israel, dioban halahi ma halak na mamurai Debata tu balian ni parbandaran lalu didangguri halahi dohot batu lopus mate. Songon i ma dibaen halak Israel patuluskon na dung didok Tuhan i tu si Musa.

BAENON NI ANGKA RASUL 7:43

Bandar ni si Molokh do na nipaoban-obanmunu i rap dohot gana-ganaan ni bintang ni debatamunu na margoar Refan; i ma gana-ganaan na nibaenmunu gabe sisombaon. Hara ni i, angkon Huambungkon hamu lopus tu bariba an di Luat Babel.’

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

PANGARATAION 17:2

Muda dibege hamu isarana adong di sada sian hutamunu piga-piga halaklahi sanga dadaboru na mardosa tu Tuhan jana na mangalanggar janjinia

PANGARATAION 18:10

Ulang pelehon hamu angka dakdanakmunu di bagasan api di ginjang ni langgatanmunu. Ulang patola hamu bangsomunu gabe tukang ramal, manjalahi angka tanda-tanda, mamake jampi-jampi sanga

PANGARATAION 21:21

Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.