HAMALIMON 20:16 - BIBEL JAMITA NA DENGGAN

¹⁶ Sanga ise dadaboru na markarosuan dohot binatang, angkon uhumon do ia dohot binatang i. Hamamate ni halahi, i ma hara ni sala ni halahi sandiri.

HAMALIMON 20:16 ပူးပေါင်းရင်းမြစ်များ

HARURUAR 19:13

Angkon nidangguran do halakna i dohot batu sanga nisior, sahalak pe nada tola manjamasa. Tu jolma dohot tu pahan-pahanan do na nidok on, angkon nimatehon sude. Dung dipalu sarune, baru pe anso tola bangso i manangkok tu dolok.”

HARURUAR 21:28

“Muda adong lombu jantan mandogo-dogo halak, gabe mate na hona dogo i, angkon nidangguran lombu i dohot batu lopus mate, jana nada tola panganon juhutna i, tapi anggo nampuna lombu i nada pola uhuman.

HARURUAR 21:32

Muda mate didogo-dogo lombu jantan i hatoban halaklahi sanga dadaboru, angkon gararon ni nampuna lombu i ma tolu pulu hepeng perak tu nampuna hatoban i, jana lombu i pe angkon nidangguran dohot batu lopus mate.

HARURUAR 22:19

Ganop na marcampur dohot binatang, angkon bunuon.

HAMALIMON 18:23

Sude hamu, halaklahi sanga dadaboru nada tola marcampur tu angka pahan-pahanan, pangalaho na jahat songon i mambaen ho ramun.

HAMALIMON 20:15

Muda adong sada halaklahi markarosuan dohot binatang, angkon uhumon do ia dohot pahan-pahanan i.

HAMALIMON 20:17

Sada halaklahi mambuat ibotona sanga iboto donganna saama sanga saina, angkon pailaon do halahi ditonga-tonga ni na bahat, dung i dipakehe sian halak na bahat. Hara ni na dung markarosuan ia dohot ibotona, hara ni i angkon manaon ia patundana.

IBRANI 12:20

Angke nada tahan halahi pabege-bege parenta na nipalalu ni sora i. Angke didok sora i do, “Sasudena na mandonohi dolok on, nada marimbar sanga na binatang sanga na ise pe tehe, angkon dangguran do dohot batu lopus mate.”