HAMALIMON 2:13 - BIBEL JAMITA NA DENGGAN

¹³ Sude haul gandum angkon siraanmunu, angke sira i do na gabe tanda parjanjianmunu dohot Debata. (Sude silehen-lehenmunu angkon baenonmunu sira.)

HAMALIMON 2:13 ပူးပေါင်းရင်းမြစ်များ

2 JUJUR TAON 13:5

Diboto hamu do na dung mamudun janji Tuhan, Debata ni Israel dohot si Daud bahaso na giot mamarenta ia dohot pomparannia di Israel salolot-lolotna. Nada tarbaen sundat janji i.

ESRA 7:22

lopus songon on bahatna: perak lopus 3.400 kg, gandum lopus 10.000 kg, anggur lopus 2.000 liter, miak zetun lopus 2.000 liter, dohot sira sanga sadia bahat na porlu.

HARURUAR 30:35

I ma pake sudena laho mambaen pulungan ni hamonyan songon miak na huskus. Baen sirana anso tongtong jeges jana badia.

JEHESKIEL 43:24

lalu oban ma tu Au. Angkon sirsirkonon ni malim do sira tu ginjang ni pahan-pahanan i jana tutungonna i gabe haul di Au.

BILANGAN 18:19

Ro di salolot-lolotna, sude silehen-lehen na mardohonan na nioban ni halak Israel di Au, Hulehen di ho dohot di angka anakmu halaklahi dohot dadaboru. Songon sada pudun-pudun ni parjanjian na so tola digotap antara Au dohot ho bope pomparanmu.”

MATEUS 5:13

“Hamu do sira ni portibi on. Muda hambar sira i, tarpaancim dope he i? Nada adong be guna ni i. Siambungkononkon noma i anso didege-dege halak.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.